နားအူခြင်းအကြောင်း သိကောင်းစရာ

ရေးသားသူ – Dr.Kyi Lei Hnin(M.B.,B.S.)

နားအူခြင်းသည် အသက်ကြီးလာ၍အာရုံကြောအားနည်းလာခြင်း၊ နားကိုထိခိုက်မိခြင်း၊ သွေးလည်ပတ်မှုတွင်ရောဂါဖြစ်ခြင်း အစရှိသည်တို့ကြောင့်ဖြစ်ပွားနိုင်သည်။

နားအူခြင်းတွင် လူပေါ်မူတည်ပြီးအသံအတိုးအကျယ် အသံကြားပုံကြားနည်းလည်းကွာခြားနိုင်သည်။

တစ်ချို့တွင် တစ်လျှပ်လျှပ်မြည်သံမှစ၍ တစ်ချို့တွင်မူ ခေါင်းလောင်းသံကျယ်လောင်စွာ မြည်သံမျိုးအထိကြားနိုင်သည်။

သင့်တွင်ရုတ်တရက်နားအူလာခြင်း၊ ရုတ်တရက်အကြားအာရုံချို့ယွင်းလာခြင်း၊ မူးဝေခြင်းများဖြစ်ပေါ်လာပါက အမြန်ဆုံးကျန်းမာရေးစောင့်ရှောက်မှုခံယူသင့်ပါသည်။

ဘာတွေကနားအူခြင်းကိုဖြစ်စေနိုင်သလဲ ?
အဖြစ်အများဆုံးကတော့

  • အသက်ကြီး၍အကြားအာရုံချို့ယွင်းလာခြင်းကလည်းနားအူခြင်းကိုဖြစ်စေနိုင်သည်။
  • ဆူညံကျယ်လောင်သောအသံများကို ကြာရှည်စွားကြားနေရလျှင်လည်းဖြစ်စေနိုင်သည်။
  • နားဖာကြီးပိတ်ဆို့ခြင်း
  • နားအတွင်းရှိအရိုးနုပျက်စီးခြင်း
  • နားအတွင်းရှိဖိအားများခြင်း
  • ဦးနှောက်နှင့်လည်ပင်းထိခိုက်မိခြင်း
  • သွေးတိုးခြင်းတို့ကလည်း

ဖြစ်စေနိုင်ပါသည်။

ဘယ်ဆေးတွေကကော နားအူခြင်းကိုဖြစ်စေနိုင်သလဲ ?

  • ပိုးသတ်ဆေးအချို့
  • အချို့သောကင်စာဆေးဝါးများ
  • စိတ်ငြိမ်းဆေးများ
  • အက်စ်ပရင် (Aspirin)

ရေရှည် ဘာဆိုးကျိုးတွေဖြစ်စေနိုင်သလဲ ?

  • နွမ်းနယ်ခြင်း
  • စိတ်ဖိစီးခြင်း
  • အိပ်ရေးပျက်ခြင်း
  • အာရုံစူးစိုက်နိုင်စွမ်းလျော့နည်းလာခြင်း
  • စိတ်ဓာတ်ကျခြင်းများ

ဖြစ်ပေါ်နိုင်ပါသည်။

ဘယ်လိုကာကွယ်လျော့ချနိုင်မလဲ ?

  • ဆူညံသံများနှင့်အမြဲအလုပ် လုပ်ကိုင်နေရသူများသည် နားအထောက်အကူပြုကာကွယ်ခြင်း ကိရိယာကိုတပ်ဆင်သင့်ပါသည်။
  • နားကြပ်ဖြင့်သီချင်းနားထောင်လျှင်အသံတိုးနိုင်သမျှတိုးပါ။
  • လေ့ကျင့်ခန်းပုံမှန်လုပ်၍ နှလုံးရောဂါကိုကာကွယ်ခြင်းဟာလည်းသွေးလှည့်ပတ်မှုကို အထောက်အကူပြုသည့်အတွက် နားအူခြင်းကိုလျော့ချပေးနိုသ်ပါတယ်။

NameDr. Kyi Lei Hnin
DegreesM.B.,B.S (ygn)
Biography2019 June မှာ Parami hospital, Yin Thway Call Centre မှာ medical officer အဖြစ်လုပ်ကိုင်ခဲ့ပါတယ်။ ကလေးကျန်းမားရေး၊ အာဟာရပိုင်းဆိုင်ရာ၊ ကြီးထွားဖွံ့ဖြိုးမှုနှုန်းနဲ့ပတ်သက်သည်များကိုတိုင်ပင်ဆွေးနွေးပေးလျက်ရှိပါသည်။ ထို့အပြင် Dr.Htein Free Clinic တွင်ပြည်သူလူထုများအခမဲ့ကျန်းမားရေးလုပ်အားပေးကုသမှုများတွင်ပါဝင်ခဲ့ပါသည်။ 2020 Februaryမှစပြီး Apex Asia specialic clinic တွင် အချိန်ပိုင်းဆရာဝန်အဖြစ်တာဝန်ထမ်းဆောင်လျက်ရှိပါသည်။ 2020 July မှစတင်ပြီး Aryu Parla specialist clinic တွင် ဆရာဝန်အဖြစ်ဆေးကုသပေးလျက်ရှိပါသည်။ လူကြီးရောဂါ၊ နာတာရှည်ရောဂါများကိုလည်းကုသပေးလျက်ရှိပါသည်။
Topic
  • ကလေးကြီးထွားဖွံ့ဖြိုးမှုဆိုင်ရာများ၊ အာဟာရပိုင်းဆိုင်ရာများ၊ ကျန်းမာရေးနဲ့ပတ်သက်သည်များ
  • လူကြီးများ၏နာတာရှည် သွေးတိုးရောဂါ၊ ဆီးချိုရောဂါ၊ အရိုးရောဂါများ နှင့် အထွေထွေရောဂါများအကြောင်း
  • သားဖွားမီးယပ်နှင့် မိန်းကလေးများနှင့်ပတ်သက်သည့်ရောဂါများအကြောင်း
  • စသည်တို့ကို ရင်းနှီးစွာ တိုင်ပင်ဆွးနွေးနိုင်ပါသည်။
    AddressParami General Hospital
    en_USEnglish