၀မ်းပျက်၀မ်းလျှော နှင့် ကလေးငယ်အစာအာဟာရ အကြောင်းသိကောင်းစရာ (အပိုင်း ၁)
ရေးသားသူ – ဒေါက်တာ စိုးမြင့်ဝင်း
မင်္ဂလာပါ
ဒီနေ့ပြောပြပေးချင်တဲ့ အကြောင်းအရာလေးကတော့ ကလေး တွေမှာ အဖြစ်များတဲ့ ၀မ်းပျက်၀မ်းလျှောရောဂါအကြောင်းပဲဖြစ်ပါတယ်။
သင့်ကလေး ၀မ်းပျက်နေပြီလား
ဒီတော့သိထားရမှာက၀မ်းလျှောတယ်ဆိုတာအဓိကအချက်၂ချက်နဲ့ ပြည့်စုံရပါမယ်။
- ပထမအချက်-၀မ်းကို တစ်နေ့ကို သုံးကြိမ် နှင့်အထက်သွားရပါမယ်။
- ဒုတိယအချက်-သွားတဲ့ ၀မ်းကလဲ အကြိမ်တိုင်းအရည် ချည်းပဲသွားတာဖြစ်ရပါမယ်။
ဒီအဓိက အချက်နှစ်ချက်လုံးနဲ့ပြည့်စုံမှ၀မ်းလျှောတယ်လို့ပြောနိုင်ပါတယ်။
ဒါကြောင့် မွေးကင်းစကလေးတွေ လသားအရွယ်လေးတွေ တစ်နေ့ကို ၇ခါ ၈ခါလောက် ၀မ်းပျစ်ပျစ်သွားတာ အရောင် မမှန်တာ တွေဟာ သဘာ၀သာဖြစ်ပါတယ်။
၀မ်းပျက်၀မ်းလျှော ဟာဘယ်လောက်ကြာတတ်လဲ ၊ ဘယ်နမျိုးလောက်ရှိသလဲ
- ၀မ်းလျှောခြင်း- နာရီပိုင်းကနေ ၅ရက် လောက်အထိကြာတတ်ပါတယ်။
- ၀မ်းကိုက်ခြင်း-၀မ်းသွားရာတွေ သွေးစများ အချွဲ အကျိများပါခြင်း ဗိုက်နာခြင်း
- ၂ပတ်နှင့်အထက်၀မ်းလျှောခြင်း။
- လနှင့်ချီ၍ ၀မ်းလျှောခြင်း
တို့ဖြစ်ပါတဟ်
နံပါတ်၂ အဆင့် မှ စပြီး ဆေးရုံဆေးခန်းပြသ ဖို့လိုအပ်ပါတယ်။
တစ်ကယ်လို့ ၀မ်းပျက်၀မ်းလျှောဖြစ်ရင်ဘာတွေလုပ်ပေးသင့်သလဲ ?
အရေးအကြီးဆုံးအနေနဲ့ မိခင်နို့ကို ပုံမှန်ထပ်တိုးပြီးတိုက်ပေးရပါမယ်။ မိခင်နို့တိုက်ဖို့အခက်အခဲရှိနေမယ်ဆိုရင် ကလေးဓာတ်ဆား (pharolit,peditral) သို့မဟုတ် BBI ဓာတ်ဆားထုပ်ကို ၀မ်းသွားတဲ့ ပမာဏ နဲ့ ဆတူ တိုက်ပေးသင့်ပါတယ်။
ဒီနေရာမှာ မှာချင်တာ တစ်ခု က တော့ ဓာတ်ဆားထုပ်ကိုဖျော်တဲ့နေရာမှာ သတ်မှတ် ရေပမာဏအတိုင်းဖျော်ပေးဖို့လိုပါတယ်နော်။
- Pharolit – ရေ၂၅၀စီစီ (သို့) ရေတစ်ဖန်ခွက်
- Peditral- ရေ ၁လီတာ တစ်ဗူး
- BBI – ရေ၁လီတာ တစ်ဗူး
(အသုံးများတဲ့ ဓာတ်ဆားတွေရဲ့ဖျော်ဖို့ရေပမာဏကို ဖော်ပြပေးထားတာပါ)
ကလေးကို ဘယ်လို လက္ခဏာတွေ ကို စောင့်ကြည့်ရမလဲ ?
- ကလေး က လျှာတွေ နှုတ်ခမ်းလေးတွေ ခြောက်သွားတာ
- ကလေးငယ်လေးတွေ
- လသားအရွယ်လေးတွေမှာ ငယ်ထိပ်လေးတွေချိုင့်၀င်သွားတာ
- မျက်တွင်းလေးတွေချိုင့်၀င်သွားတာ
- ဆီးသွားတာအကြိမ်ရေနည်းနည်းလာပြီးဆီးလုံး၀ မသွားတော့ တာ
ကလေး က အရမ်းနုံး ကျသွားတာ သိသိသာသာ ငြိမ်ကျသွားတာ စတဲ့ အချက်လေးတွေ က ရေဓာတ် မလုံလောက်တဲ့ လက္ခဏာတွေဖြစ်တဲ့ အတွက် ဒီလို အချက်လေး ထဲ က တစ်မျိုးမျိုး ၀မ်းလျှောနေတဲ့ကလေး မှာတွေ့နေရပြီဆိုရင် နီးစပ်ရာ ဆေးရုံး ဆေးခန်း အမြန်ဆုံးသွား ဖို့ လိုအပ်ပါတယ်။
| Name | ဒေါက်တာ စိုးမြင့်ဝင်း |
|---|---|
| Degrees | M.B.,B.S (ygn) |
| Biography | Graduated from UM1 2019 Currently Studying Msc Nutrition & Dietectic Currently Working as Medical Officer at yin thway call center. |
| Topic |
ဆွေးနွေးပေးနိုင်ပါတယ်ခင်ဗျာ။ |
| Address | Parami General Hospital |
