သွေးတိုးရောဂါနှင့်ကိုယ်ဝန်ဆောင်ဘဝ
ရေးသားသူ – ဒေါက်တာ ခင်ဆွေသန်း (MBBS)
ကိုယ်ဝန်လွယ်ထားစဉ်ရက်ချိန်းပုံမှန်ပြတိုင်း ပေါင်ချိန်တာနဲ့ သွေးပေါင်ချိန်ခြင်းကိုလုပ်လေ့ရှိပါတယ်။
သွေးတိုးရောဂါကို ရှိမရှိ့နဲ့ သွေးပေါင်ချိန်ပုံမှန်ရှိ မရှိ စစ်ဆေးဖို့ပါ။ ပုံမှန်ကျန်းမာတဲ့အမျိုးသမီးတစ်ယောက်ရဲ့ သွေးပေါင်ချိန်က ၁၂၀/၈၀မှာရှိလေ့ရှိပေမယ့် တစ်ဦးနဲ့တစ်ဦးမတူပါဘူး။ သွေးပေါင်ချိန် ၁၃၀/ ၉၀ကစလို့ သွေးတိုးတယ်လို့ယူဆပါတယ်။ သွေးတိုးရှိရင် နှလုံးက သွေးကို ခန္ဓာကိုယ်အနှံ့ရောက်အောင်ပိုအားစိုက်ပြီးညှစ်ထုတ်ရလို့နှလုံးကြွက်သားတွေထိခိုက်စေနိုင်ပါတယ်။
သွေးတိုးခြင်းက နှစ်မျိုးရှိပါတယ်
၁) ရောဂါအခံရှိ၍သွေးတိုးခြင်းနဲ့
၂)ကိုယ်ဝန်ဆောင်ချိန်အတွင်းသွေးတိုးခြင်း ကိုယ်ဝန်ဆိပ်တက်ခြင်း တို့ဖြစ်ပါတယ်။
ရောဂါအခံရှိ၍သွေးတိုးခြင်း
ရောဂါအခံရှိတဲ့အမျိုးသမီးတွေက ကိုယ်ဝန်ဆောင်ချိန်မှာသွေးပေါင်ချိန်ကို ပုံမှန်ဖြစ်အောင် ဆေးအချိန်မှန်သောက်ပြီး ထိန်းထားရပါတယ် ။
ကိုယ်ဝန်အစပိုင်းသွေးပေါင်ချိန်တွေကျရင်တော့ သွေးကျဆေးကို ဆရာဝန်နဲ့တိုင်ပင်ပြသပြီးရပ်ထားလို့ရပါတယ်။ တစ်ချို့သွေးကျဆေးတွေက ကိုယ်ဝန်သည်အတွက်မတည့်တတ်လို့ ဆရာဝန်နဲ့သေချပြန်လည်ပြသပြီး ပြောင်းဖို့လို မလိုတိုင်ပင်ရပါမယ်။
သွေးကျဆေးတွေသောက်နေချိန်မှာ ကလေးနဲ့အချင်းကို သွေးရောက်မှုနည်းနိုင်လို့ သားဖွားမီးယပ်ဆရာဝန်က မိခင်နဲ့ကလေး အခြေအနေကိုပုံမှန်သေချာစောင့်ကြည့်တဲ့ ရက်ချိန်းတွေ မှန်မှန်သွားရပါမယ် ။ ကိုယ်ဝန်ဆောင်ချိန်မှာ ကျန်းကျန်းမာမာဖြစ်ဖို့အရေးကြီးတဲ့ အချက်ကတော့ သွေးပေါင်ချိန်ပုံမှန်ဖြစ်အောင်ထိန်းသိမ်းနိုင်ခြင်းဖြစ်ပါတယ်
မိခင်ကလှုပ်လှုပ်ရှားရှားနေထိုင်သင့်ပြီး မပင်ပန်းတဲ့ပေါ့ပေါ့ပါးပါးလေ့ကျင့်ခန်းတွေလုပ်သင့်ပါတယ်။ မျှတသောအစာအာဟာရအုပ်စုကိုစားသုံးပြီး ငါးပိငါးခြောက် ငံပြာရည် ဆားအလွန်အကျွန်စားသုံးခြင်းရှောင်ရှားရပါမယ်။
ကိုယ်ဝန်ဆောင်ချိန်သွေးတိုးခြင်း
ကိုယ်ဝန်ဆောင်ချိန်သွေးတိုးခြင်းက အယောက်၁၀၀မှာ ၁၆ယောက် ဖြစ်တတ်ပြီး ကိုယ်ဝန်အပတ်၃၂ ပတ်နောက်ပိုင်းမှာဖြစ်တတ်ပါတယ် ကိုယ်ဝန်ရင့်တဲ့အချိန်မှာဖြစ်လေ့ရှိပါတယ်။
ကိုယ်ဝန်ဆိပ်တက်ခြင်းဆိုသည်မှာ
- ကိုယ်ဝန်ဆောင်နေချိန်ရောဂါအခံမရှိပဲသွေးတိုးခြင်း
- ဆီးအတွင်းအသားဓာတ်များနေခြင်း
- ခေါင်းကိုက်ခြင်း
- အမြင်ဝေဝါးခြင်း
- ရင်ပူခြင်း
- မူးဝေပျို့အန်ခြင်း
- ခန္ဓာကိုယ်ဖောရောင်ခြင်း ( ခြေထောက်။ မျက်နှာ ။ လက်)
- နေသာထိုင်သာမရှိခြင်း
အဲ့လိုဖြစ်တာနဲ့သားဖွားမီးယပ်ဆရာဝန်နဲ့အမြန်ဆုံးပြသရမှာဖြစ်ပါတယ်။ ကိုယ်ဝန်ဆိပ်တက်ခြင်းကြောင့် ကလေးရဲ့ကြီးထွားမှုတွေနှေးကွေးနိုင်ပါတယ်။ အချင်းကနေ ကလေးထံသို့ လိုအပ်တဲ့အစာအာဟာရနဲ့ အောက်စီဂျင် ရောက်တာနည်းလို့ပါ။
ကိုယ်ဝန်ဆိပ်တက်ခြင်းဖြစ်စေနိုင်တဲ့အကြောင်းအရာတွေကတော့
- ပထမဆုံးကိုယ်ဝန်ဖြစ်ခြင်း
- အသက်၄၀ထက်ကြီးခြင်း
- နောက်ဆုံးကိုယ်ဝန်က လွန်ခဲ့တဲ့ နှစ် ၁၀နှစ်ကဖြစ်ခြင်း
- မိခင်အဝလွန်ခြင်း
- မိသားစုမျိုးရိုးထဲမှာအဲ့လိုဖြစ်ဖူးခြင်း
- ကိုယ်ဝန်မရခင်သွေးတိုးဖူးခြင်း
- အရင်ကိုယ်ဝန်မှာလည်းသွေးတိုးဖူးခြင်း
တို့ဖြစ်ပါတယ်။
ဆေးကုသမှုမခံယူရင်
- တက်ခြင်း
- သတိမေ့ခြင်း
- လေဖြတ်ခြင်း
သွေးတိုးခြင်းကြောင့် ဦးနှောက်ထဲသွေးကောင်းကောင်းမရောက်လို့ ဦးနှောက်တွင်း သွေးယိုစီးခြင်း။ လေဖြတ်ခြင်း ဖြစ်နိုင်ပါတယ်။ ဦးနှောက်က လုံလောက်တဲ့အောက်စီဂျင်မရရင် ဦးနှောက်ဆဲလ်လေးတွေသေသွားပြီး ဦးနှောက်ထိခိုက်သွားနိုင်ပါတယ်။
- ကျောက်ကပ်ပျက်စီးခြင်း
- အသည်းမကောင်းခြင်း
- HELLP syndrome
- သွေးထဲကသွေးနီဥတွေပျက်စီးခြင်း
- အသည်းထဲကအင်ဇိုင်းတွေတက်ပြီးအသည်းထိခိုက်ခြင်း
- သွေးမွှားလေးတွေနည်းသွားခြင်း
ဒီလက္ခဏာတွေပြတာနဲ့ဆေးရုံအမြန်သွားရပါမယ်။
| Name | ဒေါက်တာ ခင်ဆွေသန်း (M.B.B.S) |
|---|---|
| Degrees | M.B.,B.S (ygn) |
| Biography |
ကလေးကျန်းမာရေးနဲ့ အထွေထွေရောဂါကုသပေးခဲ့တာ 3နှစ်ကျော်ရှိပါပြီ။ Parami General Hospital Yinthway paediatric call center Myanmar Silver Spring Co.ltd Medisurge Co.Ltd (India) တွေမှာ ဆရာဝန် အဖြစ်လုပ်ကိုင်ခဲ့ပါတယ်။ Revo digital တွင်Maternal & Child Health Project အတွက် ဆေးပညာဆောင်းပါးများ Topdoctorsonline အတွက် ကျန်းမာရေးဆိုင်ရာဆေးပညာများကိုလည်းရေးသားပေးခဲ့ပါတယ်။ Havard University က Telephone and teleconsultation Program Sydeny Children Hospital ကပြုလုပ်တဲ့ Sydney Child Health Program WHO Guidelines တွေနဲ့ Mental Health Program mhGAP တွေအပြင် ဆေးပညာဆက်လက်သင်ကြားမှုသင်တန်းတွေကိုလည်းအမြဲသင်ယူလျှက်ရှိပါတယ်။ |
| Topic |
အထွေထွေကျန်းမာရေးဆိုင်ရာ ပြဿနာများ ကလေးကျန်းမာရေးဆိုင်ရာပြဿနာများကို တိုင်ပင်ဆွေးနွေးနိုင်ပါတယ်။ |
| Address | Parami General Hospital, Yangon |
