အထက်လှန်အောက်လျှောရောဂါနှင့် ကလေးအာဟာရ
ရေးသားသူ – ဒေါက်တာ စိုးမြင့်ဝင်း
မင်္ဂလာပါ ဒီနေ့တော့ ကလေးငယ်တွေအတွက် အဖြစ်များလေ့ရှိကြတဲ့ တိုက်ဖွိက်ရောဂါ(typhoid) မြန်မာလိုအထက်လှန်အောက်လျှော ရောဂါဖြစ်ပြီးနလန်ထစအချိန်မှာ မြန်မြန်နေကောင်းပြီးအားပြန်ပြည့်အောင်ဘယ်လိုအစားအစာတွေကျွေးသင့်သလဲ၊ ဘာတွေသတိထားကျွေးပေးဖို့လိုမလဲဆိုတာလေးပြောပြချင်ပါတယ်။
ဒီရောဂါဟာ မသန့်ရှင်းတဲ့အစားအစာ၊ရေတို့ကိုစားသုံးမိတာကြောင့်ဖြစ်တာဖြစ်ပါတယ်၊ ဒါကြောင့်ကလေးငယ်စားသုံးမဲ့အစားအစာဟာသန့်ရှင်းဖို့အလွန်အရေးကြီးပါတယ်။
ထို့အတူ ကလေးတွေဟာလဲနေမကောင်းဖြစ်နေတဲ့ဒီလိုအချိန်အတွင်းမှာ အစာစားချင်စိတ်မရှိတာ၊ ကျွေးရခက်တာ၊ပျို့အန်တာတွေဖြစ်တတ်တာကြောင့် ဒီအချိန်မှာ အစာအာဟာရ ကိုပိုမို သတိပြုအလေးထားပေးဖို့လိုအပ်ပါတယ်။
ဆေးကုသနေစဉ်အတွင်းမှာ တော့ကလေးငယ်တစ်ယောက်ချင်းစီရဲ့ ကျွေးရန် အစားအစာ ပမာဏ ၊ အရည်လား အရည်အဖတ်အရောလား အစာပျော့ပျော့ကျွေး ရမလားဆိုတာတော့ ဆေးကုသပေးနေတဲ့ကလေးအထူးကုဆရာဝန်နဲ့တိုင်ပင်သင့်ပါတယ်။
နလန်ထစအချိန်တွေမှာတော့
(၁) ပမာဏ နဲနဲနဲ့ ကယ်လိုရီပမာဏ များများပေးနိုင်တဲ့အစားအစာတွေကိုရွေးချယ်ကျွေးပေးဖို့လိုအပ်ပါတယ်။
ဥပမာ ငှက်ပျောသီးပေါင်း၊ နို့ဆန်ပြုတ်၊အာလူးအစာသွတ်ပေါင်း အစ ရှိတဲ့ ပျော့ပျောင်းပြီးကစီဓာတ်များတဲ့အစားအစာ တွေကို ရွေးပြီးလုပ်ကျွေးသင့်ပါတယ်။
(၂) ကြက်ဉနဲ့ နွားနို့ ၊ဒိန်ချဉ်အစရှိတဲ့ အစားအစားတွေဟာ ပျော့ပျောင်းပြီး ပရိုတိန်း ဓာတ် များစွာပေးနိုင်တာကြောင့် ဒီလိုနလန်ထစအချိန်တွေမှာ အလွန် သင့်လျှော်ပါတယ်။
(၃) ရေဓာတ်ပြန်လည်ဖြည့်တင်းပေးရန် သစ်သီးဖျော်ရည် နှင့်အသီးအနှံများကို လည်းတစ်နေ့ ၂ ကြိမ်ခန့်ကျွေးပေးသင့်ပါတယ်။
(၄)အမျှင်ဓာတ်အရမ်းများတဲ့ အစားအစာ( oat meal ၊ ဂေါ်ဖီ၊ပဲအမျိုးမျိုး) တွေကိုတော့ အသင့်အတင့်ပမာဏသာ စားသင့်ပါတယ်။
(၅) အစပ်များလွန်းသော၊ ဆီများလွန်းသော ၊ ဆီနှင့်ကြော်ထား မုန့်သရေစာများ ကို ရှောင်ကြင်သင့်ပါတယ်။
(၆) အနံ့ပြင်းလွန်းသော ဟင်းခတ်အမွှေးအကြိုင်၊ကြက်သွန်ဖြူ ၊ ကြက်သွန်နီတို့ကို ပမာဏ အနည်းငယ်သာ အသုံးပြုသင့်ပါတယ်။
| Name | ဒေါက်တာ စိုးမြင့်ဝင်း |
|---|---|
| Degrees | M.B.,B.S (ygn) |
| Biography | Graduated from UM1 2019 Currently Studying Msc Nutrition & Dietectic Currently Working as Medical Officer at yin thway call center. |
| Topic |
ဆွေးနွေးပေးနိုင်ပါတယ်ခင်ဗျာ။ |
| Address | Parami General Hospital |
