အမျိုးသားလိင်တံကင်ဆာ

အမျိုးသားလိင်တံကင်ဆာ ဆိုတာ အမျိုးသားတွေမှာ ဖြစ်ကြပြီး စောစောသိရင်ပြန်ကောင်းအောင်ကုလို့ရတဲ့ကင်ဆာရောဂါ ဖြစ်ပါတယ်။

ရေးသားသူ – ဒေါက်တာ စိုးမြင့်ဝင်း

ဖြစ်တဲ့သူအရေအတွက်ကနည်းပေမဲ့ ဒီရောဂါလေးအကြောင်းသိအောင်အနည်းငယ်လေ့လာကြည့်ရအောင်။ ဘယ်လိုလူတွေမှာအဖြစ်များကြလဲ?

• HPV ရောဂါပိုးရှိသူတွေ
• အသက်၆၀အထက်အမျိုးသားကြီးတွေ
• HIV ,AIDS ရောဂါရှိသူတွေ
• လိင်တံအရေပြား က ထိပ်ကပိတ်နေပြီး သန့်ရှင်းဖို့ခက်သူတွေ
• လိင်တံကြီးဖို့အတွက် ဆေးထိုးသူ၊လိင်တံမှာလိင်ခံစားမှုနှိုးဆွရန် ပစ္စည်းတွေထိုး မြုပ်ထားကြသူအမျိုးသားတွေဟာ ပိုဖြစ်ကြပါတယ်။

ဘယ်လို လက္ခဏာတွေခံစားရတတ်သလဲ

• လိင်တံအရေပြားထူလာတာ၊အရောင်ပြောင်းလာတာ
• လိင်တံမှာ အဖု အလုံးအကြိတ်ပေါ်လာတာ
• လိင်တံမှာ အပြာရောင် သို့မဟုတ်အညိုရောင် အဖုအကြိတ်တွေထွက်လာတာ
• လိင်တံအရေပြားအောက်နဲ့အတွင်းထဲမှာ အနံ့ နံ တဲ့အရည်တွေ ထွက်တာ
• လိင်တံ နာကျင်တာ၊သွေးထွက်တာ
• လိင်တံအခြေဝိုက်နဲ့ပေါင်ခြံတဝိုက်မှာ အလုံးအကြိတ်တွေထွက်လာတာ စတဲ့ရောဂါလက္ခဏာတွေ ဖြစ်လာတတ်ပါတယ်

ဒီလိုလက္ခဏာတွေခံစားနေကြရရင်ဆရာဝန်နဲ့အမြန်ဆုံးတိုင်ပင်စစ်ဆေးပေးသင့်ပါတယ်။
တိကျတဲ့အဖြေရဖို့အတွက်ဆရာဝန်ရဲ့စမ်းသပ်မှုတွေ၊ ဓာတ်မှန်ရိုက်တာ၊ ultrasound ရိုက်တာ ၊အသားစယူတာတွေ လုပ်ဖို့လိုအပ်ပါတယ်

ကုသမှုနည်းလမ်းတွေက တော့ လိမ်းဆေးပေးခြင်း၊ခွဲစိတ်ပေးခြင်း၊လေဆာနဲ့ဖြတ်ခြင်း၊လိင်တံအရေပြားဖြတ်ခြင်း မှစ၍ ဓာတ်ရောင်ခြည်ပြခြင်း၊လိင်တံတခုလုံးဖြတ်ထုတ်ခြင်းစတာတွေနဲ့ ရောဂါအဆင့်ဆင့်အလိုက်ကုသနည်းအများအပြားရှိကြပါတယ်။

ဘယ်လိုကြိုတင်ကာကွယ်ကြမလဲ။
လိင်တံအရေပြားကို ဖြတ်ခြင်းဟာလိင်အင်္ဂါသန့်ရှင်းမှုအတွက်အထူးကောင်းမွန်ပါတယ်။ ဆေးလိပ်လျော့သောက်ပါ။
လိင်ဆက်ဆံတဲ့အခါလိင်မှတဆင့်ကူးစက်တတ်တဲ့ရောဂါတွေကိုကာကွယ်အောင်ကွန်ဒုံးအသုံးပြုပါ။

သင့်မှာတကယ်လို့အထက်ဖော်ပြပါ လက္ခဏာတစ်မျိုးမျိုးရှိနေရင် နီးစပ်ရာကျန်းမာရေးဆေးခန်းသို့မဟုတ် ကျန်းမာရေးဝန်ဆောင်မှုcallcenterတွေကနေတဆင့်ဆရာဝန်တွေနဲ့အမြန်ဆုံးတိုင်ပင်ဆွေးနွေးပေးသင့်ပါတယ်ခင်ဗျာ။

Source- wedmd (penilecancer)