(+95)979 811 5566 info@myancare.org
COVID-19 နှင့် Gym ဆော့ရာတွင် ဆောင်ရန် ရှောင်ရန်များ အကြောင်း

COVID-19 နှင့် Gym ဆော့ရာတွင် ဆောင်ရန် ရှောင်ရန်များ အကြောင်း

COVID-19 နှင့် Gym ဆော့ရာတွင် ဆောင်ရန် ရှောင်ရန်များ အကြောင်း

ရေသားသူ – ဒေါက်တာ အိသက်ငြိမ်း

Gym ဆိုတာ …နေရာ စုံကလူတွေ စုဝေးတာ မို့ virus ကူးစက်နိုင်မှုများပါတယ်

Gym တွေလဲ ပြန်ဖွင့် နေပြီ မို့ သွားမယ် ဆိုရင် အောက် မှာ ပြော ပြ ပေး ထား တဲ့ tips လေးတွေ ကို လိုက်နာမယ် ဆိုရင် virus ကူးစက်မှုနှုန်း ကို များစွာလျော့ချ နိုင်ပါတယ်ရှင့်….

Gym သွားရင် ဘာတွေ သတိထားပြီး လုပ်ရမလဲ…?

  • Gym မကစားခင် changing room ထဲမှာ လက်ကို ဆပ်ပြာနဲ့ စက္ကန့် ၂၀ ခန့်သေချာ ဆေး ပေး ပါ…
  • မျက်နှာသုပ်ပဝါ၊ ရေဘူး နဲ့ ရေခွက် တွေကို share ပြီး မသုံးပါနဲ့…
  • ကိုယ် ကစားခဲ့တဲ့ ခုံ – ဥပမာ chest press တွန်းထားတဲ့ ခုံ မှာ ချွေးတွေ ပေ နေတယ် ဆို ရင် towel (သို့) tissue နဲ့ ပြန်သန့်ရှင်း ခဲ့ ပေးပါ…
  • ချောင်းဆိုး၊ နှာချည်ခဲ့မယ် ဆိုရင်လဲ tissue နဲ့ အုပ်ပြီး ချောင်းဆိုး ၊နှာချည် ပေးပါ…
  • အသုံးပြုပြီး သား tissue ကိုလဲ အမှိုက်ပုံးထဲ ချက်ချင်းပစ် ပေး ပါ…
  • မျက်နှာ၊ နှာ ခေါင်း တစ်ဝိုက် ကို လက်နဲ့ ထိတာ တတ် နိုင် သမျှ ရှောင် ပေးပါ….
  • Gym ကစား ပြီးရင်လဲ လက်ကို ဆပ်ပြာ နဲ့ သေချာ ဆေး ပေးပါ…
  • ရေချိုးသန့်စင်လိုက်တာ ပိုပြီးသင့်တော် ပါတယ်….
  • အာဟာရ ပြည့်ဝအောင်စား ပေးပါ…
  • အိပ်ရေးဝအောင် အိပ် ပေး ပါ…
  • တတ်နိုင်ရင် ချွေးထုတ်ခန်းသုံးတာ ကို ရှောင် ပေးပါ.. ပူပြီး စိုစွတ်တဲ့ နေရာမှာ virus က ကာလကြာ အသက် ပိုရှင် နိုင်ပြီး ၊ကူးစက်နိုင်မှု နှုန်း လည်းပို မြန်ပါတယ် ရှင့်…
  • နေလို့ မကောင်း ဘူး… နှာ စေး ချောင်းဆိုး ဖြစ် နေတယ် ဆိုရင် အိမ်မှာ ကောင်း ကောင်း အနား ယူပေးပါ….

Gym တွေ အနေ နဲ့လဲ…

  • လက်ဆေးဆပ်ပြာ ၊ 70-90% alcohol ပါတဲ့ handgel လေးတွေ နေရာတိုင်း လိုလို မှာ ထား ပေး စေချင်ပါတယ် ရှင့်
  • သန့်ရှင်း ရေးကို အရင်ကထက် ပို လုပ် ပေးဖို့ အကြံပြုချင်ပါတယ် ရှင့်
  • အရင်က ၂ ကြိမ်လောက် လုပ်တယ် ဆိုရင်အခု ၄-၅ ကြိမ် လောက် လုပ် ပေးပါ
  • သံ သတ္တု စတဲ့ ပစ္စည်းတွေ မှာ virus ပိုပြီးကပ်နေ နိုင် လို့ပါ…
  • အဓိက က တော့ လူ အများထိတွေ့မှုများတဲ့ တံခါး လက်ကိုင် ၊ dumbbells နဲ့ Barbells လက်ကိုင် တွေ ကို သတိထား ပြီး သန့်ရှင်း ပေးပါရှင့်…
  • သန့်ရှင်းရေးပြုလုပ်တဲ့ အခါမှာလဲ EPA (Environmental Protection Agency ) မှ အသိအမှတ် ပြုထားတဲ့ သန့်ရှင်းရေး သုံးပစ္စည်း ကို အသုံးပြု ပေးတာ ပို ပြီးသင့်တော်ပါတယ်..

COVID-19 ကြောင့် အိမ်မှာပဲ နေထိုင်တဲ့အခါ ကိုယ်ခံအားကောင်းမွန်အောင်ဘယ်လို စားသောက်နေထိုင်သင့်သလဲ ?

COVID-19 ကြောင့် အိမ်မှာပဲ နေထိုင်တဲ့အခါ ကိုယ်ခံအားကောင်းမွန်အောင်ဘယ်လို စားသောက်နေထိုင်သင့်သလဲ ?

COVID-19 ကြောင့် အိမ်မှာပဲ နေထိုင်တဲ့အခါ ကိုယ်ခံအားကောင်းမွန်အောင်ဘယ်လို စားသောက်နေထိုင်သင့်သလဲ ?

ဆရာဝန်များ၏ အတည်ပြုချက်များအရ ကိုယ်ခံအား ကောင်းမွန်နေခြင်းဟာ ရောဂါတော်တော်များများကူးစက်မှုမှ ကာကွယ်နိုင်ပါတယ်။
ကိုယ်ခံအားကို မြှင့်တင်ရာတွင် အစားအသောက်ကိုလည်း ဂရုစိုက်ရမှာဖြစ်ပါတယ်။ ကိုယ်ခံအားကို မြှင့်တင်စေနိုင်သော အစားအစာများကို ရွေးချယ်ပြီး စားသုံးပေးမှသာ ကိုယ်ခံအားကောင်းမွန်လာမှာလည်းဖြစ်ပါတယ်။

ကိုယ်ခံအားကိုကောင်းမွန်စေပြီး ဗီတာမင် C ကြွယ်ဝသောအစားအစာများ၊ ချဉ်သောအရသာရှိသည့် သံပုရာ၊ သံပုရို၊ ရှောက်သီး၊ လိမ္မော်၊ ကမ္ဗလာ၊ ရှောက်ချို အစရှိသည့် အသီးများကို စားသုံးပေးခြင်းဟာဆိုရင် ကူးစက်ရောဂါများကို ကာကွယ်နိုင်မှာဖြစ်ပါတယ်။

ဗီတာမင် D ဓာတ်များပါဝင်တဲ့ ငါး၊ ဆော်လမွန်ငါးနှင့် ငါးကြီးဆီ အစရှိသည့်ငါးတို့ကို စားသုံးပေးခြင်းဖြင့်လည်း ကိုယ်ခံအားကို မြှင့်တင်နိုင်မှာဖြစ်ပါတယ်။

ယခုလို COVID-19 အချိန်ကာလမျိုးမှာ မိမိကိုယ်ကို ကျန်းမာရေးနှင့် ညီညွှတ်စွာ စားသောက်ပေးဖို့ အထူးလိုအပ်သလို ကိုယ်ခံအားကောင်မွန်အောင် ဂရုစိုက်ပေးဖို့လည်းလိုအပ်ပါတယ်။

မိမိတို့အိမ်မှာပဲ ကျန်းမာစွာ နေထိုင်စားသောက်ပြီး COVID-19 ကူးစက်မှုမှ ကာကွယ်လိုက်ပါ

COVID-19 ကို ကာကွယ်နေတဲ့ ကာလပတ်လုံး ခံတွင်းသန့်ရှင်းရေးကိုဘယ်လို ဂရုစိုက်ကြမလဲ?

COVID-19 ကို ကာကွယ်နေတဲ့ ကာလပတ်လုံး ခံတွင်းသန့်ရှင်းရေးကိုဘယ်လို ဂရုစိုက်ကြမလဲ?

COVID-19 ကို ကာကွယ်နေတဲ့ ကာလပတ်လုံး ခံတွင်းသန့်ရှင်းရေးကိုဘယ်လို ဂရုစိုက်ကြမလဲ?

ရေးသားသူ – ဒေါက်တာမျိုးမြင့်အောင်

  • မနက်အိပ်ရာထထချင်း ပလုတ်ကျင်းဆေးရည် (Mouthwash) ဖြင့် ပလုတ်ကျင်းပါ ။
  • အာဟာရရှိတဲ့ မနက်စာစားပါ ။
  • မနက်စာစားပြီးရင် သေသေချာချာ သွားတိုက်ပါ ။
  • နေ့လည်စာစားပြီးရင်လည်း သွားသေသေချာချာတိုက်ပါ ။
  • သွားမတိုက်နိုင်ပါက ပလုတ်ကျင်းဆေးရည်ဖြင့် ပလုတ်ကျင်းပါ။

ညစာစားပြီးရင် သွားပွတ်ကြိုး ( Dental Floss) နဲ့ သွားကြားတွေကို သန့်ရှင်းရေးလုပ်ပါ ။ ပြီးရင် သွားတိုက်ပါ ။

ခံတွင်းသန့်ရှင်းရေးကို အခုလို ဂရုစိုက်ပေးခြင်းအားဖြင့် ကျွန်တော်တို့ ခံတွင်းဟာ မနက်ရော နေ့လည်ရော ညနေခင်းရော ညအိပ်ချိန်မှာပါ သန့်ရှင်းနေမှာဖြစ်ပါတယ် ။

မလိုအပ်ပဲ သွားရည်စာတွေ တစွပ်စွပ်စားခြင်းမှ ရှောင်ကျဉ်ပေးပါဗျ ။

ကမ္ဘာကြီးမြန်မြန် ကျန်းမာလာဖို့ ကျွန်တော်တို့ အားလုံး ကျန်းမာအောင်နေကြမယ်ဗျာ ။

Lorem Ipsum is simply dummy text of the printing and typesetting industry. Lorem Ipsum has been the industry’s standard dummy text

Contrary to popular belief, Lorem Ipsum is not simply random text. It has roots in a piece of classical Latin literature from 45 BC, making it over 2000 years old.

COVID-19 ဖြစ်ပွားချိန်မှာ သက်ကြီးရွယ်အိုများ ဘယ်လိုပြင်ဆင်နေထိုင်ကြမလဲ?

COVID-19 ဖြစ်ပွားချိန်မှာ သက်ကြီးရွယ်အိုများ ဘယ်လိုပြင်ဆင်နေထိုင်ကြမလဲ?

COVID-19 ဖြစ်ပွားချိန်မှာ သက်ကြီးရွယ်အိုများ ဘယ်လိုပြင်ဆင်နေထိုင်ကြမလဲ?

ရေးသားသူ – ဒေါက်တာအိသက်ငြိမ်း

အခုကျွန်မတို့ရဲ့ ကမ္ဘာတစ်ဝှမ်းမှာ ဖြစ်ပေါ် နေတဲ့ Corona virus ကူးစက်မှု ဟာ လူတိုင်း ကို ကြောက်လန့် တုန်လှုပ်စေပါတယ်…

လူငယ်တွေ ၊ လူလတ်ပိုင်း တွေ တောင် ကြောက်လန့် တုန်လှုပ် နေ ကြတာ ရောဂါ ကူးစက်ခံ ရရင် သေနှုန်း ပိုမို မြင့်မားတဲ့ အသက် ၆၀-၇၀ကျော်တဲ့ လူကြီးတွေ နဲ့ အ ခြားရောဂါ အခံရှိသူတွေ အ နေနဲ့ ရော

ဘယ်လိုခံစား နေရ မလဲ????

စိုးရိမ်စိတ်အရမ်းများနေရင် လဲ ကျန်းမာရေးမှာ ထိခိုက်မှု တွေရှိနိုင်ပါတယ်ရှင့်
အဲ့တာ ကြောင့်…..

  • စိတ်ကို အတတ် နိုင်ဆုံး အေးချမ်းတည်ငြိမ် အောင်ထားပါ
  • တရားထိုင်ပေးပါ
  • အိပ်ရေးဝအောင်အိပ်ပေးပါ
  • သက်ဆိုင်ရာဋ္ဌာန က ထုတ်ပြန်တဲ့ သတင်းတွေကိုသာ နားထောင်ပေးပါ။
  • အချို့သော social media ပေါ် က သတင်းတွေက information overload ဖြစ်ပြီး ဖတ်မိတဲ့ လူတွေ ကို အစိုးရိမ်လွန်စေ ပါတယ်ရှင့်

မိမိ ကိုယ်ကို မိမိ ဘယ်လိုကာကွယ်ရမလဲ??

  • လက်ကိုမကြာခဏဆေးပေးပါ။
  • တတ် နိုင်ရင် အိမ်ထဲ မှာပဲနေပေးပါနော်။
  • အာဟာရမျှတ အောင်စားပေးပါ ဥပမာ- အမျှင်ဓာတ်ကြွယ်ဝတဲ့ အစားအစာ ၊ vitamins ကြွယ်ဝတဲ့ အသီးအနှံ၊ အသီး အရွက်တွေ စားပေးပါ။
  • အချိန်မှန်မှန် စားပြီး အချိန်မှန်မှန် အိပ် ပေး ဖို့လဲ အရေးကြီးပါတယ် ရှင့် ။ ပုံမှန်သောက် နေကျဆေး ကို ဆက်ပြီးမှန်မှန်သောက် ပါ။
  • အန်တီတို့ အန်ကယ်တို့ သောက် နေကျ ဆေးမှာ steroid ပါ နေခဲ့ ရင် လဲ ဆက် ပြီး သောက် လို့ ရပါတယ် ၊ ဖြတ်စရာ မလိုပါဘူး။
  • ဆရာဝန်နဲ့ ပြရမယ့် ရက်ချိန်း ရောက်ပြီ ဆိုရင် ဖြစ်နိုင်ရင် ဖုန်းနဲ့ ဆွေးနွေး ပေးတာ မျိုး တွေ လုပ်ပေး စေလိုပါတယ်။
  • လိုအပ်မှသာ -ရောဂါ လက္ခဏာ တခုခု ခံစားနေရမှ သာ ဆေးရုံ ဆေးခန်းသွားပါ။
  • အိမ်ကို ဧည့်သည်လာ တွေ ကို ငြင်းဆန်ပေးစေလိုပါတယ်။

မိသားစုဝင်တွေ အနေနဲ့ ရောဘာတွေ လုပ်ပေးရမလဲ??

  • အိမ်ကိုသွား လည်ပြီး ကျန်းမာရေး အ ခြေအနေကို မေးမယ့် အစား phone ခေါ်ပြီး မေးစေလိုပါတယ်ရှင့်
  • အဓိကလိုအပ် နေတဲ့ psychological support ကို ပေးစေလိုပါတယ်ရှင့်
  • လိုအပ်တဲ့ အစား သောက်နဲ့ ဆေးဝါး များ ကို ထားရှိ စေလိုပါတယ် ရှင့်
  • အရေး ပေါ်ဆက်သွယ် ရမယ့် phone number တွေ ကိုလဲ အလွယ်တကူထားရှိ ပေးပါ။

Lorem Ipsum is simply dummy text of the printing and typesetting industry. Lorem Ipsum has been the industry’s standard dummy text

Contrary to popular belief, Lorem Ipsum is not simply random text. It has roots in a piece of classical Latin literature from 45 BC, making it over 2000 years old.

COVID 19 အတွက် စိတ်ပိုင်းဆိုင်ရာအရ ဘယ်လိုပြင်ဆင်ထားသင့်သလဲ

COVID 19 အတွက် စိတ်ပိုင်းဆိုင်ရာအရ ဘယ်လိုပြင်ဆင်ထားသင့်သလဲ

COVID 19 အတွက် စိတ်ပိုင်းဆိုင်ရာအရ ဘယ်လိုပြင်ဆင်ထားသင့်သလဲ

ရေးသားသူ – ဒေါက်တာ ဖြိုးသီဟ

COVID 19 က အသက်ရှူလမ်းကြောင်းဆိုင်ရာ ရောဂါဖြစ်ပါတယ်။ စိတ်ပိုင်းဆိုင်ရာ ပြဿနာ မဟုတ်ပါဘူး။ ဒါပေမဲ့ ခုလိုမျိုး ကူးစက်နှုန်း မြင့်မားတဲ့ ရောဂါတစ်ခု ဆိုးဆိုးရွားရွား ဖြစ်နေတဲ့ အနေအထားမျိုးမှာ ကျွန်တော်တို့ရဲ့ စိတ်ပိုင်းဆိုင်ရာကိုလည်း ပြဿနာ လာပေးနေပါတယ်။

တစ်နိုင်ငံနဲ့ တစ်နိုင်ငံ ဆက်စပ်နေကြတဲ့ ခုလို Globalization ခေတ်မှာ တခြားနိုင်ငံတွေမှာ ဖြစ်နေတာတွေက ကိုယ့်နိုင်ငံအပေါ်မှာလည်း လာပြီး သက်ရောက်တာပဲ။

ပြောရရင် ဆက်စပ်တာတောင် မဟုတ်ဘူး။ ကျွန်တော်တို့က မှီခိုနေရတာ။ ကိုယ့်နိုင်ငံထဲ ထုတ်နိုင်တာဆိုလို့ အတော်ရှားတာလေ။ ဒီတော့ ခုချိန်ထိ ကိုယ့်နိုင်ငံထဲမှာ ကူးစက်သူ တစ်ယောက်မှ မတွေ့သေးဘူး ဆိုရင်တောင် ကိုယ့်အနာဂတ်၊ ကိုယ့်မိသားစု၊ ကိုယ့်နိုင်ငံ အနာဂတ်အတွက် စိတ်ပူလာမိတယ်။

ကူးစက်ခံရရင်၊ အလုပ်ပြုတ်သွားရင်၊ ပိုက်ဆံမရှိတော့ရင် စသဖြင့် စိုးရိမ်ပူပန်မှုတွေ ရှိနေကြတယ်။ အခြေအနေတွေ တအားဆိုးလာလို့ ဒုစရိုက်မှုတွေ ဖြစ်လာမှာကိုလည်း ကြောက်နေကြတယ်။ လုံး၀ မသိရင်လည်း မကောင်းသလို သိတာတွေ များလာတဲ့အခါမှာလည်း စိတ်ဖိစီးမှုတွေ ဖြစ်လာရပါတယ်။

ဒါကြောင့် အဲ့လို စိတ်ပိုင်းဆိုင်ရာ ပြဿနာတွေ ဆိုးဆိုးရွားရွား မဖြစ်စေဖို့ ဒါလေးတွေ သတိထားပေးပါ။

စိတ်မပူဖို့တော့ မဖြစ်နိုင်ပါဘူး။ ပူတာတော့ ပူပါ။ ကျွန်တော်လည်း ပူတာပဲ။ သို့သော် သတိလေး ကပ်ပြီး ထိန်းပါ။

အဆိုးဆုံးအတွက်လည်း ပြင်ဆင်ပါ၊ အကောင်းဆုံးကိုလည်း မျှော်လင့်ထားပါ။ ကာကွယ်ဖို့အတွက် လိုအပ်တာတွေကိုလည်း အတိအကျ လိုက်နာပါ။ မပေါ့ပါနဲ့။

ဒီဗိုင်းရပ်စ် မကူးစက် မပျံ့ပွားဖို့မှာ ကိုယ် မတတ်နိုင်တာတွေကို စိတ်ပူနေမဲ့အစား ကိုယ်တတ်နိုင်တာ လုပ်ပေးပါ။ ကိုယ် သိထားသလောက်လေး ပတ်ဝန်းကျင်ကို အသိပညာ မျှဝေပေးပါ။ ငွေတတ်နိုင်တယ်ဆိုလည်း ငွေကူညီပေးပါ။ ဆေးရုံတွေကို လှူနေတဲ့ အဖွဲ့တွေ ရှိပါတယ်။

သတင်းတွေကို စောင့်နားထောင်ပါ။ တစ်နေ့တစ်နေ့ ဒီသတင်းတွေပဲ ကြည့်မိနေတဲ့အထိ အလွန်အကျွံတော့လည်း မဖြစ်ပါစေနဲ့။ ဆိုရှယ်မီဒီယာကိုလည်း အချိန်နဲ့ သုံးပါ။

ပန်းခြံ၊ ဘောလုံးကွင်း စတဲ့ နေရာတွေမှာ အားကစား လုပ်ပါ။ စာအုပ်ဖတ်တာ၊ ရုပ်ရှင်ကြည့်တာတို့လို ကိုယ် ဝါသနာပါတာလေးတွေ လုပ်ပါ။ ရသစာပေ ဖတ်ပါ။ လုပ်နိုင်တယ်ဆို တရားလည်း ထိုင်ပါ။ ဒါတွေက စိတ်ကျန်းမာရေးကို အထောက်အကူ ဖြစ်စေပါတယ်။

တတ်နိုင်သမျှ အိမ်မှာ နေရပြီဆိုတော့ အိမ်က လူတွေနဲ့ ရင်းနှီးတဲ့ ဆက်ဆံရေး တည်ဆောက်ပါ။ အဲ့လို ပြောလိုက်တော့ အိမ်က လူတွေနဲ့ ရင်းနှီးပြီးသားလေ လို့ ထင်မယ်။ မဟုတ်ပါဘူး။ တချို့မိသားစုတွေဆို အလုပ်ကိုယ်စီနဲ့မို့ တစ်အိမ်တည်းသာ အတူနေတာ စကားတောင် ဟုတ်တိပတ်တိ မပြောဖြစ်ကြပါဘူး။

ခုက အဲ့လိုမိသားစုနဲ့ နွေးနွေးထွေးထွေး နေလို့ရတဲ့အချိန်ပါ။ ရုပ်ရှင် အတူကြည့်၊ ထမင်းအတူစား၊ မုန့်လေးတွေ လုပ်စား၊ အိမ်နီးနားချင်းတွေကို လိုက်ဝေ။ အဲ့လိုလေးတွေ လုပ်ပါ။ (Social distancing ကိုတော့ သတိရပါ)

ကိုယ်တစ်ယောက်တည်း ထိခိုက်ခံစားနေရတာ မဟုတ်ဘဲ ကိုယ့်ထက် ဆိုးတဲ့သူတွေ အများကြီးဆိုတာ သတိရပါ။ ကိုယ်ကမှ သွားမယ့် ခရီးလေးတစ်ခု ရွှေ့လိုက်ရတာပါ။ ဒီပြဿနာကြောင့် လူ့လောကထဲက အပြီးထွက်ခွာသွားရသူတွေ အများကြီး ဖြစ်နေပါတယ်။

အလုပ်ပြုတ်သွားပြီး မိသားစုလိုက် ဒုက္ခရောက်သွားသူတွေလည်း ရှိနေပါတယ်။ ဒါကြောင့် မညည်းညူဘဲ အကောင်းဆုံး ရင်ဆိုင်ပါ။

အနာဂတ်က ဒီပြဿနာကြောင့်မှ မဟုတ်ပါဘူး။ နဂိုကတည်းကိုကလည်း မရေရာပါဘူး။ ဒါကနေ တပ်လှန့်လိုက်တာက Comfort zone ထဲ နေမနေကြဖို့ပါ။ စုထားဆောင်းထားတာ မရှိရင်၊ ပညာမတတ်ရင် အချိန်မရွေး ဒုက္ခရောက်သွားနိုင်တယ်ဆိုတာကို ပြလိုက်တာပါပဲ။

သဘာဝဘေး ဖြစ်ရင်တောင် (အထူးသဖြင့် ရန်ကုန်က လူတွေဆို) ကိုယ်တွေက လွတ်တယ် ဆိုပြီး ပေါ့နေကြဦးမယ်။ အခုက အကုန်ထိတာပါ။ ဒါကြောင့် ခုကစလို့ မပေါ့ကြပါနဲ့။ ဆင်းရဲခြင်း၊ ပညာမတတ်ခြင်းက ကိုယ့်ကို အထိခိုက်မခံသူ၊ ထိလွယ်ရှလွယ်သူ (Vulnerable) ဖြစ်စေပါတယ်။

ဒါက ကိုယ့်အမှား ကိုယ့်အပြစ်ကြောင့် ဖြစ်လာတာ မဟုတ်ဘဲ နေရင်းထိုင်ရင်း ကြုံရတဲ့ ပြဿနာမျိုးပါ။ ကိုယ့်အမှားကြောင့် ဆိုရင်တောင် ခံသာသေးတယ်။ ခုက အသားလွတ်ကြီး ကြုံရတာ။

ဘယ်လိုပဲဖြစ်ဖြစ် ဒါသည်ပင်လျှင် ဘဝပါပဲ။ စာမေးပွဲမှာ ပေးလာတဲ့ ပုစ္ဆာကို ခက်တယ်၊ လွယ်တယ်၊ သင်ထားတဲ့အထဲ ပါတယ်၊ မပါဘူး ငြင်းလို့ရလို့လား။ မေးလာပြီဆို ဖြေရတာပဲ။ ခုလည်း အဲ့လိုသဘောထားပါ။

ဆုံးရှုံးမှုကတော့ ကြုံရတာချည်းပါပဲ။ အနည်းနဲ့ အများပဲ ကွာကြပါမယ်။ ဘယ်လိုပဲဖြစ်ဖြစ် လူက အသက်ရှင်နေသရွေ့၊ ကျန်းမာနေသရွေ့ ဘယ်လိုအရာကိုမဆို ပြန်လည်ရယူလို့ ရတယ်ဆိုပြီး တွေးထားပါ။ ဒါဆိုရင်တော့ ဒီပြဿနာကို ကျွန်တော်တို့တွေ အကောင်းဆုံး ကျော်ဖြတ်နိုင်ပါလိမ့်မယ်။

ရေးရတာတော့ လွယ်ပါတယ်။ လက်တွေ့ကျ ခက်မယ်။ အခြေခံလူတန်းစားတွေဆို ပိုတောင် ဆိုးပါလိမ့်ဦးမယ်။

ဘယ်လိုပဲဖြစ်ဖြစ် ကျွန်တော်တို့လို လူလတ်တန်းစားတွေအတွက်တော့ တခုခု အထောက်အကူ ဖြစ်လိမ့်မယ် ရည်ရွယ်ပြီး ရေးလိုက်တာပါ။ ကျေးဇူးတင်ပါတယ်။

Lorem Ipsum is simply dummy text of the printing and typesetting industry. Lorem Ipsum has been the industry’s standard dummy text

Contrary to popular belief, Lorem Ipsum is not simply random text. It has roots in a piece of classical Latin literature from 45 BC, making it over 2000 years old.

en_USEN
my_MMMY en_USEN