(+95)979 811 5566 info@myancare.org
ဆေးမတိုးမယ့် တို့အနာဂတ် တနည်း ပိုးယဉ်ပါးပြီ တို့မြန်ပြည်

ဆေးမတိုးမယ့် တို့အနာဂတ် တနည်း ပိုးယဉ်ပါးပြီ တို့မြန်ပြည်

ဆေးမတိုးမယ့် တို့အနာဂတ် တနည်း ပိုးယဉ်ပါးပြီ တို့မြန်ပြည်

ရေးသားသူ – ဒေါက်တာ ဆုဝေမွန်

ပုံမှန်ဆို Dr ဆုက ခွဲစိတ်ကို ရေးဖို့တာဝန်ယူထားတာဖြစ်လို့ ခွဲစိတ်လေးပဲရေးချင်ပါတယ်။ အခု ခွဲစိတ်လေးနဲ့ဆက်စပ်ပြီး Dr ဆု အရမ်းကို ရေးပြချင်တဲ့ topic လေးတခုကို choice လုပ်ထားတယ်။

ပုံမှန်ပေါ့နော် Dr Hsu တို့ နိုင်ငံမှာ ပုံမှန်ကိုဖြစ်နေတဲ့ အလေ့အထလေးတွေရှိတယ် အထူးသဖြင့်ရာသီတုပ်ကွေးတွေဖြစ်တဲ့အချိန်ပေါ့။

ဥပမာ ငါနေမကောင်းတုန်းက ဒီဆေးလေးသောက်လို့သက်သာသွားတာ နင်လည်းဒါလေးသောက်ပါလားဆိုပြီး အချင်းချင်းလမ်းညွှန်တတ်ကြတယ်။ Dr ဆု ပြောချင်တာ ကျန်တဲ့ဆေးတွေသောက်တာ ဖြတ်တာမပြောပါ။ ပိုးသတ်ဆေးသောက်ခြင်းအကြောင်းကို ရည်ရွယ်ပြီး ဒီ topic ကို ရေးရခြင်းဖြစ်ပါတယ်။

ပိုးဘယ်နှစ်မျိုးရှိလဲပေါ့ ပိုးတွေ အများကြီး အနက် Dr ဆုကတော့ bacteria နဲ့ virus ပိုးကြောင့်ဖြစ်တဲ့ရောဂါတွေနဲ့ ပိုးသတ်ဆေးအကြောင်းကိုပြောပြချင်တာပါ။

အပြင်မှာ Dr ဆုတို့သောက်နေတဲ့ ပိုးသတ်ဆေးဆိုတာ များသောအားဖြင့် bacteria ကြောင့်ဖြစ်တဲ့ရောဂါတွေ နဲ့ပတ်သက်ပြီး သောက်နေတာတွေများပါတယ်။

Virus ပိုးကြောင့်ဖြစ်တဲ့ရောဂါအများစုမှာတော့ ဆေးသောက်စရာမလ်ုအပ်ပဲ ခန္ဓာကိုယ်ကနေ ခုခံအားစနစ်ထွက်ပြီး သူ့အလိုအလျောက်ပြန်ကောင်းသွားတာက အတွေ့ရပိုများပါတယ်။

ဒီလိုပိုးသတ်ဆေးသောက်သုံးခြင်းမှာ Dr ဆု ပြောပြချင်တာက ဆေးတွေကိုဘယ်လိုသောက်သုံးသင့်တယ် ပိုးသတ်ဆေးတမျိုးဆေးပတ်လည်ပြီး ဆေးနဲ့အနာ တည့်မတည့်ဘယ်လောက်စောင့်ကြည့်သင့်တယ်ဆိုတာလေးပါ။

ဆေးတွေကို Dr ဆုတို့ ညွှန်ကြားချက်အတိုင်း ရက်နဲ့ အကြိမ်အရေအတွက်ကို ပြည့်အောင်သောက်ပေးပါ။

ဥပမာ တနေ့သုံးကြိမ် တစ်ပတ်ပြည့်အောင်သောက်နော်ဆိုရင် တတ်နိုင်သမျှ မပျက်မကွက်သောက်ဖို့လိုအပ်ပါတယ်။

နောက်တခုကတော့ Dr ဆုပြောသလို အနာနဲ့ဆေးတည့်မတည့် အနည်းဆုံး ပိုးသတ်ဆေးသောက်တဲ့ အကြိမ်အရေအတွက် ဘယ်နှစ်ခါလောက်အထိ စောင့်ကြည့်သင့်လဲဆိုတာလေးကို ပြောပြချင်ပါတယ်။

ပိုးသတ်ဆေးကို စသောက်တဲ့ အကြိမ်အရေအတွက် အနည်းဆုံးခြောက်ကြိမ်ပြည့်မှ အာနိသင်အပြည့်အဝရတယ်ဟု အကြမ်းအားဖြင့်ယူဆလို့ရပါတယ်။

ဥပမာ ဆေးတမျိုးကို မနက် ည တစ်နေ့နှစ်ကြိမ် ငါးရက်သောက်ရမယ်ဆိုရင် သုံးရက်မြောက်နေ့တွင် ဆေးကို ခြောက်ကြိမ်သောက်ပြီးဖြစ်နေပါမည်။

ထိုမှသာ ဆေးအာနိသင်အပြည့်အဝပြနိုင်သည်ဟုယူဆပေးပါ ထိုသို့ခြောက်ကြိမ်ရှစ်ကြိမ်လောက်မှ ရောဂါများသက်သာသည်ဟု မခံစားရလျှင် နီးစပ်ရာ ကျန်းမာရေးစောင့်ရှောက်မှုပေးသူနှင့်ပြန်တိုင်ပင်ပေးပါ။

Dr ဆုတို့ ခွဲစိတ်အနာများတွင်လည်း ပိုးသတ်ဆေးများထိုးခြင်း သောက်ခြင်းပြုလုပ်ရပါသည်။ ဤတွင် ချွင်းချက်မှာ အလုံးအကြိတ်အဖုများကို ပိုးသတ်ဆေးများကြိတ်ချေ၍ အုံခြင်း မန်းခြင်း ဆွခြင်း မပြုလုပ်ရပါ။

Dr ဆုတို့ ညွှန်ကြားထားသလို ပိုးသတ်ဆေးများကို ဆေးပတ်လည်အောင် ဆေးထိုးဆေးသောက်များမပျက်မကွက်ပြုလုပ်မှသာ ခွဲစိတ်နာပိုးဝင်ခြင်းမှ ရှောင်ရှားနိုင်မည် ၊ ကာကွယ်နိုင်မည်ဖြစ်ပါသည်။

Dr ဆုရဲ့ ဒီဆောင်းပါးလေးကိုဖတ်ခြင်းဖြင့် ခွဲစိတ်အနာများတွင်သာမက ကျန်သောရောဂါများတွင်ပါ ပိုးသတ်ဆေးများကို စနစ်တကျ ထိုးသင့်သောက်သင့်လိမ်းသင့်သည်ကို သိရှိပြီး အနာရောဂါများအတတ်နိုင်ဆုံးကင်းရှင်းကြပါစေ။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
မီးလောင်ဒဏ်ရာများအကြောင်း သိကောင်းစရာ

မီးလောင်ဒဏ်ရာများအကြောင်း သိကောင်းစရာ

မီးလောင်ဒဏ်ရာများအကြောင်းသိကောင်းစရာ

ရေးသားသူ – ဒေါက်တာ ဆုဝေမွန်

Dr ဆုတို့ ခွဲစိတ်ဆိုတာ မီးလောင်ဒဏ်ရာတွေကို တာဝန်ယူပေးတဲ့ နေရာပါပဲဆိုလည်း မမှားပါဖူး။

Dr ဆု ဒီနေ့ ပြောပြချင်တာ မီးလောင် ဒဏ်ရာက အဆင့်ဘယ်နှစ်မျိုးရှိတယ် ဘယ်နေရာတွေပါနေရင်တော့ ချက်ချင်းဆေးရုံလာသင့်တယ် ဆိုတာနဲ့ ဘာတွေကို ရှေးဦးသူနာပြုစုနည်းအနေနဲ့ အရင်လုပ်ထားသင့်တယ်ဆိုတာလေးကို ပြောပြချင်တာပါ။

ကဲပထမဦးဆုံးအနေနဲ့ မီးလောင်ဒဏ်ရာရဲ့အဆင့်တွေကိုပြောပြပေးချင်ပါတယ်။ မီးလောင်ဒဏ်ရာတွေဟာ အနက်အပေါ်မူတည်ပြီးတော့အဆင့်လေးဆင့်ခွဲထားတယ်။ ပထမနှစ်ဆင့်မီးလောင်ဒဏ်ရာကတော့ ပူတယ်နာတယ် ၊ စပ်တယ် အစရှိတဲ့ ခံစားမှုကို ခံစားရမှာဖြစ်ပြီး အဆင့်သုံးနဲ့အဆင့်လေးကတော့ အာရုံကြောလေးတွေပါ မီးလောင်ခြင်းမှာပါသွားတဲ့အတွက် ဘာနာကျင်မှုကိုမှ ခံစားရမှာ မဟုတ်ပါဖူး။

မီးလောင်ဒဏ်ရာရဲ့ လောင်တဲ့မျက်နှာပြင် ဧရိယာကို Dr ဆုတို့ကတော့ Rules of nine ဖြင့် ဖော်ပြပါတယ်။ ဒီမှာ Dr ဆု တခုမျှဝေချင်တာက မီးလောင်ဒဏ်ရာ၏ လောင်တဲ့မျက်နှာပြင် ဧရိယာသည် အနာမသန့်ရှင်းမှုကြောင့်ဖြစ်စေ ဂရုမစိုက်မှုကြောင့် ဖြစ်စေ ပိုပိုပြီး ကျယ်ပြန့်လာတတ်တယ်။

မီးလောင်ဒဏ်ရာများတွင် မျက်နှာ ပါးစပ်တဝိုက်နှင့် စအိုဝပတ်ဝန်းကျင် ရှုးပေါက်သောနေရာနှင့် အရိုးအဆစ်များ ပြီးတော့ တပတ်လည်မီးလောင်ခြင်း ( ရင်ဘတ်ဆိုရင် ရင်ဘတ် တပတ်လည် လက်ဆိုရင် လက်တပတ်လည် ) များပါနေပါက လောင်သောပမာဏများပါက ချက်ချင်းဆေးရုံသို့လာရောက်သင့်ပါတယ်။

မီးလောင် ဒဏ်ရာတွေရဲ့ ရှေးဦးသူနာပြုစုနည်းကတော့

  • ဘာဆေးမှ မထည့်ပဲ ရေဖြင့်များများ ဆေးချပါ။
  • Silverderm ဟုခေါ်သော ဆေးကို ထည့်ပေးလို့ရပါတယ်။
  • အကိုက်အခဲသက်သာသော paracetamol လေးကို နာကျင်မှုသက်သာအောင်သောက်ပေးပါ
    ဓာတ်ဆားရည်သောက်ပေးပါနော်။
  • မေးခိုင်ကာကွယ်ဆေးထိုးဖို့လည်လိုအပ်ပါတယ်။

လောင်သွားတဲ့ပမာဏကို သက်ဆိုင်ရာ ကျွမ်းကျင်ဆရာဝန်က ကြည့်ရှုပြီး ပိုးသတ်ဆေးကို သောက်ဆေးသို့မဟုတ်ထိုးဆေး ညွှန်ကြားပါက အနာပိုးမဝင်အောင် ညွှန်ကြားချက်တွေကို သေချာလိုက်နာပေးပါနော်။

ဤဆောင်းပါးလေးကို ဖတ်ခြင်းဖြင့် မီးလောင်ဒဏ်ရာလေးတွေကို ဘာတွေလုပ်သင့်တယ်ဆိုတာ သဘောပေါက်သွားရင်ဖြင့် Dr ဆု တယောက်မျှဝေရကြိုးနပ်ပါတယ်လေ။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
သွေးအန်ခြင်းနှင့် အန္တရာယ်

သွေးအန်ခြင်းနှင့် အန္တရာယ်

သွေးအန်ခြင်းနှင့် အန္တရာယ်

ရေးသားသူ – ဒေါက်တာ ဆုဝေမွန်

Dr ဆုတို့ပတ်ဝန်းကျင်မှာ သွေးအန်တယ် ချောင်းဆိုးသွေးပါတယ် ဆိုတာ ခဏခဏကြားဖူးမှာပါ။ Dr ဆုကတော့ အန်သောအခါသွေးပါခြင်း တနည်းအားဖြင့် ဆေးပညာအခေါ်အဝေါ် haematemesis အကြောင်းကို ပြောပြချင်တာပါ။

သွေးအန်ခြင်းဟုဆိုရာဝယ် အစာရေမြို အစာအိမ် သာမက အူသိမ်ဦးပိုင်း ပြသနာတွေကြောင့် သို့မဟုတ် တခြားသော သွေးရောဂါအခံတွေကြောင့် သွေးအန်ခြင်းဖြစ်လာနိုင်ပါတယ်။

သွေးအန်ခြင်းမှာ အဖြစ်အများဆုံးက အရက်အလွန်အကျွံသောက်မှုကြောင့် အသည်းပျက်စီးပြီး သွေးအန်ခြင်းနှင့် အကိုက်အခဲပျောက်ဆေး သို့မဟုတ် steroid ပါသောဆေးများ အလွန်အကျွံနှစ်ရှည်လများ သုံးစွဲမှုကြောင့် အစာအိမ်နံရံများပါးကာ သွေးယိုခြင်း တို့ဖြစ်နိုင်ပါတယ်။

Dr ဆု ဒီဆောင်းပါးလေးမှာ sharing လုပ်ပေးချင်တာက မပေါ့ဆဖို့ပါ။ သွေးအန်ခြင်းဆိုသည်မှာ ခန္ဓာကိုယ်ရဲ့သွေးယိုခြင်း သွေးထွက်ခြင်းတမျိုးမို့လို့ သွေးထွက်သော ပမာဏများလာတဲ့အခါ ရုတ်တရက် သတိမေ့လဲကျသွားခြင်း သွေးအားနည်းခြင်း ဖြူဖျော့ကာ နှလုံးခုန် အသက်ရှုနှုန်းပိုမြန်လာခြင်းတို့အပြင် ရှောခ့်ရကာ အသက် အန္တရာယ် ရှိလာသည်အထိ ဖြစ်နိုင်ပါတယ်။

Dr ဆုတို့က သွေးအန်လူနာများကို အန်နေသော သွေးပမာဏလိုက်သွင်းရုံသာမက နောက်ထပ်ထပ်မအန်တော့အောင် မည်သည့်အကြောင်းရင်းကြောင့်အန်သည်ဆိုသော အဖြေကို ရှာကုရပါတယ်။

ထိုကဲ့သို့အဖြေရှာနိုင်ရန် လိုအပ်သောသွေးများသွင်းနိုင်ရန် သွေးအန်ခဲ့ပါက အမြန်ဆုံးနီးစပ်ရာ ဆေးရုံဆေးခန်းသို့ ချက်ချင်းသွားဖို့ လိုအပ်ပါတယ်နော်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
အူအတက်လေးရောင်နေပြီလား

အူအတက်လေးရောင်နေပြီလား

အူအတက်လေးရောင်နေပြီလား

ရေးသားသူ – ဒေါက်တာ ဆုဝေမွန်

Dr ဆုတို့ အတွေ့ရအများဆုံး emergency case မှာဆိုရင် အူအတက်ရောင်ခြင်းက တခုအပါအဝင်ပါပဲ။ ဝမ်းဗိုက်ရဲ့ ညာဖက် ချက်ဘေးအစွန်နားက နာမယ် အန်နေမယ် အဖျားငွေ့ငွေ့လေးရှိမယ်ဆိုရင် အူအတက်လေးရောင်နေတာနဲ့ သိပ်ကိုတူနေပါပြီ။

အူအတက်လေးအကြောင်းကို Dr ဆု နည်းနည်းပြောပြချင်တယ်။ အူအတက်က ဘာလေးနဲ့အလားတူလဲဆိုရင် ကိုယ့်ရဲ့လက်သန်းပုံစံနဲ့တူတယ် ၊ တဖက်ပိတ် အနေအထားမှာရှိတယ်။

အစာအိမ်နဲ့အူလမ်းကြောင်းတလျှောက်မှာ သူလုပ်ရတဲ့အလုပ်လေးတွေက သိပ်မများရှာ ၊ အလုပ်သိပ်မလုပ်ရတဲ့သူတွေရဲ့ ထုံးစံအတိုင်း အစာလေးနည်းနည်းလမ်းမှားပြီး သူ့ထဲဝင်လာတာနဲ့ ဒေါသအိုးပေါက်ကွဲပြီး ပြသနာတွေ တန်းစီရှာတော့တာပဲ။

မခံမရပ်နိုင်အောင် နာလာမယ် ၊ အန်လာမယ် ၊ ဖျားလာမယ်ဆိုရင်တော့ သူလေး ဒေါသအိုးပေါက်ကွဲနေပြီဆိုတဲ့ အမှတ်အသားလေးတွေပေါ့ အဲ့မှာ Dr ဆု အကြံပြုချင်တာက Dr ဆုပြောထားတဲ့နေရာက နာနေတယ် ကိုယ်လည်း စိတ်သံသယရှိတယ်ဆိုရင် ချက်ချင်းနီးစပ်ရာဆေးရုံသို့သွားပြီး စမ်းသပ်မှုခံယူပါ။

အကြာကြီးစောင့်နေမျိုး နာရဲ့သားနဲ့ သည်းခံပြီးပုံမှန်လှုပ်ရှားနေတာမျိုးကနေ အခန့်မသင့်ရင် ယောင်ရမ်းနေတဲ့ အူအတက်ကနေ ပေါက်သွားတဲ့ အူအတက်ဖြစ်တဲ့ အခါ အသက်အန္တရာယ်ရှိလာနိုင်ပါတယ်။

အဲ့မှာ Dr ဆု တခု knowledge sharing လုပ်ပေးချင်တာ အူအတက်ကလေးကတော့ရောင်သွားပြီ ဆေးရုံကို ဖြစ်ပြီး တပတ်နေမှရောက်လာတဲ့အခါ ချက်ချင်းတန်းခွဲလို့မရပါ။ ဝမ်းဗိုက်ထဲက omentum လို့ခေါ်တဲ့ အမြှေးပါးတွေက သဘာဝဖြစ်စဉ်အရ ဝမ်းဗိုက်ထဲမှာ ယောင်ရမ်းနေတဲ့ ပစ္စည်းရှိနေရင် ပြေးပြီး လုံးထွေးပစ်လိုက်တတ်ပါတယ်။

ထိုအခါ appendicular mass လို့ခေါ်တဲ့ အူအတက်အလုံး ဖြစ်လာတဲ့အခါ Dr ဆုတို့ ခွဲစိတ်ဆရာဝန်တွေ အနေနဲ့ ချက်ချင်းခွဲပစ်ဖို့မလုပ်ပဲ စောင့်ကြည့်ရပါတယ်။ အနည်းဆုံးလ နဲ့ချီပြီး ခဏစောင့်ကြည့်ပြီးမှ ဝမ်းဗိုက် ဓာတ်မှန် USG ပြန်ရိုက်ပြီး ခွဲမခွဲပြန်ဆုံးဖြတ်ပါတယ်နော်။

ဆောင်းပါးဖတ်ရှုသူအားလုံးလည်း ကိုယ်စိတ်နှစ်ပါး ရွှင်လန်းစွာဖြင့် အနာရောဂါကင်းရှင်းကြပါစေနော်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
အဆီကျိတ်လေးများအကြောင်း သိကောင်းစရာ

အဆီကျိတ်လေးများအကြောင်း သိကောင်းစရာ

အဆီကျိတ်လေးများအကြောင်းသိကောင်းစရာ

ရေးသားသူ – ဒေါက်တာ ဆုဝေမွန်

ဒီတခါ Dr ဆုပြောပြချင်တာကတော့ အတွေ့ရများတတ်တဲ့ အဆီကျိတ်လေးများအကြောင်းကို ပြောပြချင်တာပါ။ အဆီကျိတ်လေးတွေကို အတွေ့ရအများဆုံးနေရာတွေကတော့ ခေါင်းပိုင်းလည်ပင်းပိုင်းနဲ့ ဗိုက်တွေ ပေါင်တွေမှာအများဆုံးတွေ့ရတတ်ပါတယ်။

ယေဘုယျအားဖြင့် အဆီကျိတ်တွေမှ ကင်ဆာရောဂါအဖြစ်သို့မပြောင်းလဲသွားတတ်ပါသည်။ သို့သော် အဆီကျိတ်လေးတွေပိုးဝင်မှုကြောင့် ပြည်တည်ခြင်း ၊ ယောင်ရမ်းခြင်းနှင့်အခန့်မသင့်ပါက သွေးထွက်သွေးယိုခြင်း ၊ ကြွက်သားအလွှာလေးတွေကြားမှာဖြစ်ရင် ကြွက်သားနာခြင်း ၊
ယောင်ယမ်းခြင်း တို့ပါ ဖြစ်ပေါ်လာနိုင်ပါတယ်။

ဒါဆို အဆီကျိတ်လေးတွေကို ဆေးထိုးဆေးသောက်ရင် ပျောက်နိုင်သလားဟုမေးသော် လုံးဝမပျောက်နိုင်ပါ။ ခွဲစိတ်ကုသပြီးဖယ်ရှားခြင်းဖြင့်သာပျောက်ကင်းနိုင်သည်။

ဤတွင် Dr ဆု တခုမှာချင်တာက အရေပြားပေါ်က အကျိတ်အဖုများကို မိမိဘာသာ ဆေးများလျှောက်လိမ်းခြင်း အလုံးအကျိတ်များကို ထိုးဆွကာသောက်ဆေးပိုးသတ်ဆေးများကို ကြိတ်ချေထည့်ခြင်း အပင်အရွက်များကို ကြိတ်ချေညှစ်တာ အုံခြင်းမန်းခြင်းများကို လုံးဝမပြုလုပ်ရန်မေတ္တာရပ်ခံပါတယ်နော်။

အရေပြားကို သွားဆွမှ ပိုပွားလာတာ အနာပိုးဝင်တာ အရိုးထိ လှိုဏ်စားနေတာတွေဖြစ်သွားရင် လူနာအတွက်ပိုကုသရခက်တတ်ပါတယ်။

ဤဆောင်းပါလေးကို ဖတ်ခြင်းဖြင့် အဆီကျိတ်သည်ကြောက်စရာမဟုတ်ပါ။ သို့သော် အဆီကျိတ်လေးမှ အလျင်အမြန်ကြီးထွားလာခြင်း ၊ နာလာခြင်း ၊ သွေးထွက်သွေးယိုခြင်းများဖြစ်လာသော် နီးစပ်ရာဆေးရုံဆေးခန်းသို့အလျင်အမြန်ပြသင့်ကြောင်း အကြံပြုပါသည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
en_USEN
my_MMMY en_USEN