အနာပဆုပ်

အနာပဆုပ်

အနာပဆုပ်

ရေးသားသူ – ဒေါက်တာ ဆုဝေမွန်

အနာပဆုပ် ဟူသည် eng အခေါ်အဝေါ် carbuncle မှ ဆင်းသက်လာခြင်းဖြစ်သည်။ တနည်းဆိုသော် ဆီးချိုရောဂါ ၊ တကိုယ်ရည်သန့်ရှင်းမှု အားနည်းခြင်း ၊ ထိခိုက်ရှနာအသေးစားလေးများ ၊ မွှေးကျွတ်နာမှ တဆင့်ပိုးဝင်ကာ အနာပဆုပ်ဖြစ်နိုင်သည်။

အဖြစ်များဆုံးနေရာများမှာ ဂုတ်ပိုးနှင့် ကျောဖက် လက်ပြင်နှစ်ခုကြားတို့ဖြစ်ကြသည်။ အနာပဆုပ်ဟုဆိုသည်နှင့် အနာပုံစံသည် အပေါ်ယံ အရေပြားကွာကျကာ ပြည်များစုနေပြီး အနာပုံစံမှာ နှင်းဆီပန်းအပွင့်လေးများ အဆုပ်လိုက်ပွင့်နေသည်နှင့်ပင်ဘအလားသဏ္ဍာန်တူကြသည်။

လူနာသည် အဖျားတက်နေနိုင်သည်။ အနာပဆုပ်ဖြစ်သည်ဟုဆိုသည်နှင် လူနာအားဆီးချိုရောဂါရှိမရှိ စစ်ဆေးပါ ဖြစ်နိုင်လျှင် အနာအားပိုးမွေးခြင်းပြုလုပ်သင့်သည်။

အနာပဆုပ်ဖြစ်လျှင် ပိုးသတ်ဆေးဖြင့်ရောဂါသက်သာအောင်ပြုလုပ်သည့်အပြင်ဆီးချိုရောဂါအခံရှိပါက ဆီးချိုကို ထိန်းချုပ်နိုင်ရန် ကြိုးစားသင့်သည်။ ထို့အပြင် အကိုက်အခဲပျောက်ဆေးများသုံးစွဲပြီး နာကျင်ခြင်းများကို လျော့နည်းစေနိုင်သည်။

အနာပဆုပ်ကို ကုသရန်နည်းလမ်းမှာ အနာပဆုပ်ဖြစ်သောပမာဏ သေးငယ်ပါက အနာပဆုပ်ဖြစ်ရာနေရာကို လှီးထုတ်ပြီး အရေပြားအသစ်အစားထိုးကပ်ပေးခြင်းပြုလုပ်နိုင်ပြီး အနာပဆုပ်ဖြစ်သောအရေပြားနေရာကြီးပါက ပထမဦးစွာ အနာကိုလှီးထုတ်၍ နေ့စဉ်ဆေးထည့်ပေးခြင်းပြုလုပ်ကာ အသားနုလေးများတက်လာသော အခါမှသာ အနာနေရာကို ပြန်ချုပ်ခြင်း သို့မဟုတ် အရေပြားအသစ်အစားထိုးကပ်ပေးခြင်းများပြုလုပ်နိုင်သည်။

ဤတွင် Dr ဆု တခုသတိပေးချင်သည်မှာ အနာပဆုပ်အား ခွဲစိတ်ရာတွင် မကောင်းသည့်အရေပြားများကို တတ်နိုင်သလောက် ကုန်စင်စေရန်လိုအပ်သည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
အစာအိမ်ကင်ဆာအကြောင်း သိကောင်းစရာ

အစာအိမ်ကင်ဆာအကြောင်း သိကောင်းစရာ

အစာအိမ်ကင်ဆာအကြောင်း သိကောင်းစရာ

ရေးသားသူ – ဒေါက်တာ ဆုဝေမွန်

အစာအိမ်ကင်ဆာသည် အသက်လေးဆယ်ပတ်ချာလည်တွင်အဖြစ်များသည် ယောက်င်္ကျားများပို၍ဖြစ်တတ်သည်။

သူ၏ရှေ့ပြေးလက္ခဏာများတွင် ဝမ်းဗိုက်တွင် အလုံးဖြစ်လာသည်ကို သတိထားမိခြင်း ၊သွေးအားနည်းခြင်း ၊ အစားအသောက်ပျက်၍ အလွန်အမင်းပိန်ကျသွားခြင်း ၊ ညနေစောင်းအချိန်တွင် ပိုအန်ခြင်း ၊ အန်ထုတ်လိုက်သောအခါတွင်မှ နေသာထိုင်သာရှိသွားခြင်း ၊ ထူးထူးခြားခြား အစာစားချင်စိတ်မရှိခြင်း ၊ အထူးသဖြင့် အဆီများသောအစားအစာများအပေါ် အာသီသမရှိနေခြင်း ၊ ခန္ဓာကိုယ်၏ကျန်သောဟနေရာတွင် အလုံးအကြိတ်အဖုများထွက်လာခြင်း ၊ အကြိတ်များရောင်လာခြင်းတို့ဖြစ်ကြသည်။

အစာအိမ်ကင်ဆာဖြစ်သည်ဟုဆိုသည်နှင့် အရင်ဆုံးစဉ်းစားသည်မှာ ဤကင်ဆာလုံးကို အကုန်အစင်ခွဲထုတ်နိုင်မခွဲထုတ်နိုင်စဉ်းစားကြသည်။

တချို့သောအကြောင်းအရင်းများ အထူးသဖြင့် လူနာအသက်ကြီးလွန်းခြင် လူနာတွင် နှလုံးရောဂါအခံရှိခြင်း မေ့ဆေးထုံဆေး ဒဏ်များမခံနိုင်ခြင်း အဆုတ်ရောဂါအခံရှိခြင်း ၊  တို့အပြင် ကင်ဆာကျိတ်၏ပျံ့နှံ့မှု အလုံးအရွယ်အစားကြီးမားမှုတို့အပေါ်မူတည်ပြီး အကုန်အစင်မခွဲထုတ်နိုင်ပဲ ခွဲထုတ်နိုင်သလောက်ပဲ ထုတ်ကာ Chemo သွင်းသည်ဟုခေါ်သော ဓာတ်ဆေးသွင်း၍ ကျန်ရှိသော ကင်ဆာလုံးအား ကျုံ့သွားအောင် ပြုလုပ်ကြသည်။

ဤဆောင်းပါးတွင် Dr ဆု knowledge sharing လုပ်ပေးချင်သည်မှာ Dr ဆု ပြောခဲ့သလို အစာအိမ်ကင်ဆာ၏ ရှေ့ပြေးလက္ခဏာအတော်များများ မိမိတွင် ရှိလာခဲ့သော် အမြန်ဆုံး ဆေးကုသမှုခံယူရန်ဖြစ်သည်။

ယခုခေတ်တွင် ကင်ဆာသည် အရင်လောက် ကြောက်စရာမကောင်းတော့ စောသိလေ ပို၍ထိထိရောက်ရောက်ကုသနိုင်လေ လူတန်းစေ့နေရလေဖြစ်ကြောင်းပြောခြင်းဖြင့် နိဂုံးချုပ်ပါသည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
ရင်သားပြည်တည်နာအကြောင်း သိကောင်းစရာ

ရင်သားပြည်တည်နာအကြောင်း သိကောင်းစရာ

ရင်သားပြည်တည်နာအကြောင်းသိကောင်းစရာ

ရေးသားသူ – ဒေါက်တာ ဆုဝေမွန်

ရင်သားပြည်တည်နာသည် အထူးသဖြင့်နို့တိုက်မိခင်များတွင် အများဆုံးဖြစ်သည်ကိုတွေ့ရသည်။ နို့စို့ကလေး၏ ပေါက်ခါစသွားနှင့် မိခင်နို့တိုက်ချိန်တွင် အကြိမ်ပေါင်းများစွာ ပွတ်တိုက် ကြိတ်မိခြင်းကြောင့် အနာဖြစ်ရာမှ ပြည်တည်နာဖြစ်လာခြင်းဖြစ်သည်။

ထိုပြည်တည်နာသည် မိခင်နို့အထွက်များသော သူများတွင် နို့တိုက်ပြီးတိုင်း တင်းနေသော ရင်သားများလျော့သွားအောင် နို့များအကုန်အစင် ညှစ်ထုတ်ပေးရန်လည်းလိုအပ်သည်။ မညှစ်ထုတ်ပါက နို့ကြောင်းပိတ်ကာ ပြည်တည်နာဖြစ်နိုင်ချေပိုများအောင်ပံ့ပိုးပေးနေသည်။

နို့တိုက်မိခင်များတွင် ရင်သားပြည်တည်နာ စဖြစ်သည်နှင့် ရင်သားသည် ပူနီပြီးတင်းမာလာခြင်း ၊ ချမ်းတုန်ဖျားခြင်း ၊ ရင်သားတွင် ပြည်တည်နာလို အနာများ အရေပြားပေါ်တွင်တွေ့လာခြင်း ၊အထိမခံနိုင်အောင် နာခြင်း အစရှိသော ရောဂါလက္ခဏာများဖြစ်လာတတ်သည်။

ရင်သားပြည်တည်နာတိုင်းသည်ခွဲစိတ်ရန်မလိုအပ်ပါ။

တချို့ပြည်တည်နာများတွင် အကိုက်အခဲပျောက်ဆေးပေးခြင်း ပိုးသတ်ဆေးထိုးခြင်း သို့မဟုတ် သောက်ခြင်း ရေနွေးအိတ်ကပ်ခြင်း နို့ကို တိုက်ရိုက်ကပ်မစို့စေပဲ နို့ညှစ်ကိရိယာဖြင့်သာ ညှစ်၍တိုက်စေခြင်း နို့ခမ်းဆေးကို လိုအပ်ပါက နှစ်ပတ်ကြာအောင်ပေးခြင်းများပြုလုပ်နိုင်သည်။

သို့သော် ပြည်တည်နာကြီး၍ပြည်များထုတ်ရန် လိုအပ်ကောင်းလိုအပ်နိုင်သည်။
နို့စို့ချိန်ဖြစ်သည့်ပြည်တည်နာသည် နို့တိုက်မိခင်များ အကြုံရဆုံး တွေ့ရအများဆုံးဖြစ်သဖြင့် အနာသေးသေးလေးစဖြစ်သည်မှစ၍ သက်ဆိုင်ရာဆရာဝန်ဖြင့်သေချာကုသရန်လိုအပ်သည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
အူစွပ်ခြင်းအန္တရာယ်

အူစွပ်ခြင်းအန္တရာယ်

အူစွပ်ခြင်းအန္တရာယ်

ရေးသားသူ – ဒေါက်တာ ဆုဝေမွန်

အူစွပ်ခြင်းဆိုသည်မှာ အသက်၆လမှ ၉လအတွင်းကလေးများတွင် အဖြစ်များသော အရေးပေါ်အခြေအနေတခုဖြစ်သည်။ ကလေးသည် ချော့မရအောင်အလွန်အကျွံငိုနေခြင်း အန်ခြင်း အနီရောင် jelly တုံးလိုမျိုး ဝမ်းအတုံးများသွားနေခြင်း ဗိုက်ကြီးဖောင်းလာခြင်း ဗိုက်တွင် အလုံးစမ်းမိခြင်း နှင့် အဖျားတက်ခြင်း အစရှိသည်တို့ဖြစ်နိုင်သည်။

အူစွပ်သောကလေးတယောက်တွင် အရေးကြီးဆုံးမှာ ခန္ဓာကိုယ်ရှိဆားဓာတ်များမျှတနေဖို့ဖြစ်သည်။ ထိုသို့မျှတစေရန် ပုလင်းကြီးများချိတ်ခြင်း အစာအိမ်နှင့်အူလမ်းကြောင်းကို အနားပေးခြင်း ဓာတ်မှန်ရိုက်ခြင်း အာထရာစောင်းရိုက်ခြင်း အစရှိသည်တို့ကို ပြုလုပ်ပေးရမည်။ ထို့ကြောင့် ကလေးတယောက် အူစွပ်ခြင်း အရိပ်အယောင်များပြသသည်နှင့်ဆေးရုံသို့လာကာ ဆေးကုသမှုချက်ချင်းခံယူသင့်သည်။

အူစွပ်သည်ဆိုသည်နှင့် အာထရာစောင်းတွင် အူ၏အခြေအနေကောင်းမွန်ခြင်းရှိမရှိကြည့်ကာ အူအခြေအနေကောင်းနေသေးပါက စအိုဝမှရေထိုးသွင်း၍ အူစွပ်တာကျွတ်မကျွတ်ကြည့်ခြင်း ( hydrostatic reduction ) သို့မဟုတ် လေထိုးသွင်း၍ အူစွပ်တာကျွတ်မကျွတ်ကြည့်ခြင်း ( pneumatic air reduction )နည်းလမ်းကိုသုံးပါသည် အူစွပ်တာ ကျွတ်ထွက်သွားပါက ခွဲစိတ်ရန်မလိုအပ်တော့ပါ။

သို့သော် အူစွပ်ခြင်းသည် ၄၈နာရီကျော်ကြာမြင့်နေခြင်း သွေးဆိပ်သင့်ခြင်း ဗိုက်ကြီးအရမ်းဖောရောင်နေခြင်း တို့ရှိနေပါက hydrostatic reduction နည်း သို့မဟုတ် pneumatic air reduction နည်းကို အသုံးမပြုတော့ပဲ အရေးပေါ် ခွဲစိတ်ခြင်းကိုသာ ရွေးချယ်ပါသည်။

အူစွပ်ခြင်းသည် ကလေးများတွင်အဖြစ်အများဆုံးဖြစ်သည့်အတွက် သားသားမီးမီးလေးများသေချာကြည့်ရှုကာ ရောဂါလက္ခဏာဆင်တူသည်များရှိပါက ချက်ခြင်းဆေးရုံသို့လာပြရန်အကြံပြုပါသည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
လည်ပင်းကြီးရောဂါသိထားစရာ

လည်ပင်းကြီးရောဂါသိထားစရာ

လည်ပင်းကြီးရောဂါသိထားစရာ

ရေးသားသူ – ဒေါက်တာ ဆုဝေမွန်

လည်ပင်းကြီးရောဂါလို့ ဆိုလိုက်တာနဲ့ Dr ဆုတို့ ပတ်ဝန်းကျင်မှာ လည်ပင်းနေရာမှာ အလုံးအကြီးကြီး တလုံးထဲဖြစ်စေ အလုံးပေါင်းများစွာနဲ့ပြွတ်သိပ်နေသော လည်ပင်းကြီးရောဂါ တနည်းအားဖြင့် သိုင်းရှိုက်ဟော်မုန်းမူမမှန်နေသော ရောဂါကြောင့် လည်ပင်းမှာ အလုံးကြီးတွေထွက်လာခြင်းက သိပ်မရှားလှ ၊ လည်ပင်းကြီးရောဂါဟာ အသက်လတ်ပိုင်းတွေမှာဖြစ်တတ်တယ် မြစ်ဝကျွန်းပေါ်နဲ့ တောင်တန်းဒေသတွေမှာ ပေါပေါများများတွေ့တယ် အမျိုးသမီးတွေမှာ ပိုအဖြစ်များတတ်တယ် သို့သော် အမျိုးသားတွေမှာဆိုရင်တော့ အဖြစ်နည်းပေမယ့် ပြင်းထန်အမျိုးအစား ဖြစ်တတ်တာကြောင့် ဖြစ်ခဲ့ရင် သေချာစစ်ဖို့ ညွှန်းလိုပါတယ်။

လည်ပင်းကြီးရောဂါ သိုင်းရှိုက်မူမမှန်ရောဂါဝေဒနာရှင်တွေဟာဆိုရင်ဖြင့် လည်ပင်းမှသိုင်းရှိုက်ကလင်း ( thyroid gland ) ကြီးလာမှုကြောင့် အစာမြိုချရင် နာမယ်နင်မယ် အသံတွေပြောင်းတတ်တယ် ပက်လက်အိပ်ရင် အသက်ရှုလို့မရတတ်ဖူး လည်ပင်းကသွေးကြောကြီးတွေ ထောင်တက်နေတာကိုမြင်ရတတ်တယ်။

လေပြွန်ကိုဖိထားတဲ့အတွက် အသက်ရှုတိုင်းရှုတိုင်းမှာ ဆေးပညာအခေါ် stridor လို့ခေါ်တဲ့ အသံလေးတသံ ထွက်နေတာကိုကြားရလိမ့်မယ်။ ဒါ့အပြင် အဓိက ရောဂါလက္ခဏာတွေဖြစ်တဲ့ မျက်လုံးကသာမာန်နဂိုရှိရင်းစွဲထက်သိသိသာသာပိုပြူးလာတယ် စိတ်တိုစိတ်ဆတ်လွယ်တယ် အစားအရမ်းစားပေမယ့် ကိုယ်အလေးချိန်ကတော့ ကျမြဲကျဆဲဖြစ်နေမယ် ရင်တွေတလှပ်လှပ်တုန်မယ် နည်းနည်းလေးရာသီဥတု ပူတူတူလေးဖြစ်လာတာနဲ့ မနေနိုင် အအေးဓာတ်ကို အရင်ကထက်ပိုကြိုက်လာမယ် အိပ်သောအခါ မျက်လုံးပိတ်လို့မရဖြစ်နေမယ် အစရှိတဲ့ အဲ့လိုလက္ခဏာတွေလည်းကြုံရပါမယ်။

ကဲ ကုသနည်းလေးတွေအကြောင်းတော့ ထပ်ပြောပါရစေ

  • ဆေးဖြင့်ကုသမှု
  • ခွဲစိတ်ကုသမှု
  • radio iodine နဲ့ကုသမှုဆိုပြီးတော့ သုံးမျိုးခွဲထားတယ်

များသောအားဖြင့် အသက် ၄၅နှစ်အောက်ဆိုရင် ဆေးဖြင့် သို့မဟုတ် ခွဲစိတ်ကုသကြတယ်။အသက် ၄၅နှစ်အထက်ဆိုရင်တော့ radio iodine တိုက်ပြီးကုသမှုပေးကြတယ်။

ဆေးဖြင့်ကုသခြင်းဟုဆိုရာဝယ် အသက်ငယ်ငယ် အလုံးခပ်သေးသေး အပေါ်က ရောဂါလက္ခဏာများ မဆိုးနေ သို့မဟုတ် ရောဂါအခံတခုခုကြောင့် ခွဲစိတ်ရာတွင်ခက်ခဲနိုင်သော လူနာများကို ဆေးဖြင့်ကုကြတယ် ခွဲစိတ်ကုသမယ်ဆိုရင်တော့ အသက်ကြီး အလုံးကြီး ရောဂါ လက္ခဏာကြီးရင်တော့ ခွဲဖို့ဖက်ပိုအားပေးကြတယ်။

ဒါပေမယ့် Dr ဆု တခု knowledge sharing လုပ်ပေးချင်တာက ခွဲစိတ်ရမယ်လို့ သက်ဆိုင်ရာ သမားတော် ကျွမ်းကျင်ဆရာဝန်ကြီးက အကြံဉာဏ်ပေးတာနဲ့ တခါတည်း တန်းပြီးဓားတင်လို့မရပါဖူး။ သိုင်းရှိုက်ကလင်းရဲ့ သိုင်းရှိုက်ဟော်မုန်းထုတ်နှုန်းကို တတ်နိုင်သလောက်ငြိမ်သွားအောင်ဆေးနဲ့ထိန်းပြီးမှ ခွဲစိတ်ဖို့ပြင်ဆင်ကြပါတယ်။

နောက်ဆုံးအနေနဲ့ Dr ဆု မှာချင်တာက လည်ပင်းကြီးရောဂါဖြစ်လာပြီဟု မိမိကိုယ်ကိုကိုယ် သံသယရှိရင် မပေါ့ဆပါနဲ့ ၊ စစ်ဆေးသင့်တာတွေကို သက်ဆိုင်က ကျွမ်းကျင်သမားတော်နဲ့ တိုင်ပင်စစ်ဆေးပါ ကုသလျှင်ပျောက်ကင်းနိုင်မယ့် ရောဂါမို့လို့ အမြန်ဆုံးကုသပျောက်ကင်းကြပါစေ။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
en_USEN
my_MMMY en_USEN