(+95)979 811 5566 info@myancare.org
မိခင် နို့တိုက်ခြင်းနှင့် ကောင်းကျိုးများ

မိခင် နို့တိုက်ခြင်းနှင့် ကောင်းကျိုးများ

မိခင် နို့တိုက်ခြင်းနှင့် ကောင်းကျိုးများ

မိခင်နို့တိုက်ကျွေးခြင်းက မေမေတို့ရဲ့ ရင်သွေးလေးတွေ အတွက်သာမက မေမေတွေ အတွက်ပါအရမ်းကို အကျိုးရှိလှပါတယ်နော်။ ဘယ်လို အချက်တွေမှာ အကျိုးပြုလည်းဆိုတာကို တော့ အောက်မှာ ဆက်ဖတ်ကြည့်လိုက်ပါနော်။

ကလေးငယ်လေးများအတွက် အရေးပါမှု

  • မိခင်နို့တိုက်ကျွေးခြင်းက ကလေးငယ်လေးများရဲ့ အသားအရည် ယားယံခြင်း၊ ဓာတ်မတည့်ခြင်းများအတွက် အထူး ကာကွယ်ပေးပါတယ်။
  • မေမေတို့ရဲ့ ရင်သွေး လေးများ အစာမကြေဖြစ်ခြင်း၊ ဝမ်းချုပ်ခြင်းတို့ကို လည်း မဖြစ်အောင် ကာကွယ်ပေးပါတယ်။
  • မိခင်နို့မှာ ခန္ဓာကိုယ်အတွက် ခုခံနိုင်တဲ့ ဓာတ်တွေ အလုံအလောက်ပါရှိတာကြောင့် ကလေးငယ်လေးများ အလွယ်တကူ ရောဂါပိုးဝင်ခြင်းမှ လည်း ကာကွယ်ပေးပါတယ်နော်။
  • မိခင်နို့တိုက်ကျွေးထားသော ကလေးငယ်လေးများ က ငယ်ငယ်လေးနဲ့ ဆီးချိို ဖြစ်နိုင်ချေ ၊ အဝလွန်ရောဂါ ဖြစ်နိုင်ချေ အလွန်နည်းပါးသွားပါတယ်။
  • မိခင်နို့တိုက်ထားသော ကလေးငယ်လေးများက ပိုပြီးတော့ လည်း ဉာဏ်ရည် ဉာဏ်သွေး မြင့်မားကြောင်းကို လေ့လာတွေ့ရှိရပါတယ်။
  • မိခင်နို့တိုက်ကျွေးခြင်းဖြင့် ကလေးငယ်လေးနဲ့ မေမေတို့ကြားမှာ လည်း ပိုပြီး ရင်းနှီးမှုရရှိလာပါတယ်။

မေမေ များအတွက် အရေးပါမှု

  • မိခင်နို့တိုက်ကျွေးခြင်းက ကလေးတွေ အတွက်ဘဲ ကောင်းကျိုးတွေ ရတာမဟုတ်ဘဲ မေမေများအတွက်လည်း ကောင်းကျိုးတွေရနိုင်ပါတယ်။
  • နို့တိုက်ခြင်းက မေမေတို့အတွက် မွေးပြီး အချိန် အဝလွန်ခြင်းမှ ကာကွယ်ပေးပါတယ်။
  • မေမေတို့ နို့ပုံမှန် တိုက်ပေးခြင်းက အရိုးပွခြင်း ၊ အရိုးပါးခြင်းတို့ကို လည်း ကာကွယ်ပေးပါတယ်။
  • ကလေးမွေးပြီးပြီး ခြင်းနို့ပုံမှန်တိုက်ပေးခြင်းက လည်း သဘာ၀ တားဆေးတစ်ခု အဖြစ်ဆောင်ရွက်ပေးပါသေးတယ်။
ကလေးငယ်များနှင့် နို့အန်ခြင်း

ကလေးငယ်များနှင့် နို့အန်ခြင်း

ဘယ်အသက်အရွယ်မှာဖြစ်နိုင်သလဲ?

နို့စို့ အရွယ်ကလေးငယ်အများစုဟာ နို့စို့ ပြီးတိုင်း ပမာဏနည်းနည်းစီပြန်အန်ထွက်တတ်ကြပါတယ်။ နို့ရည်ချိုးလဲခေါ်လေ့ရှိကြတယ်။ ကောင်းကောင်းထိုင်နိုင်တဲ့ ၆လ ၇လ အရွယ်လောက်မှာတော့သက်သာသွားတတ်ပါတယ်။

ဘာကြောင့် ဖြစ်ရလဲ?

မိခင် နို့စို့ ချိန် ၊နို့ဘူးစို့ ချိန်တွေမှာ နို့နဲ့ အတူ လေတွေကိုပါ ကလေးတွေကမျိုချမိတတ်ပါတယ်။ နို့ဘူးစို့တဲ့ကလေးမှာဆိုရင်ပိုဖြစ်တတ်ပါတယ်။ လေတွေက ဗိုက်ထဲကိုရောပါသွားပေမဲ့ လေရဲ့သဘောအရ အရည်တွေကြားထဲကနေအပေါ်ကိုပေါ့ ပြီးပြန်တက်လာပါတယ် အဲ့လိုပြန်တက်လာတဲ့လေတွေနဲ့ အတူ နို့ အချို့လဲပြန်ထွက်လာတာပါ။

ကလေးရဲ့ပါးစပ်အပြင် နှာခေါင်းထဲကလဲထွက်လာတာမျိုးရှိနိင်ပါတယ် ။ ဘာလို့လဲဆိုတော့ လူကြီးတွေလိုပဲ နှာခေါင်းဟာ လည်ချောင်း၊အာခေါင်တို့နဲ့ တဆက်တည်းတည်ရှိနေလို့ပါ။
တချို့ကလေးငယ်တွေမှာတော့ နို့စို့ တဲ့ပမာဏများသွားတာကြောင့်လဲ အပေါ်ပြန်အန်ထွက်လာတာမျိုးဖြစ်နိုင်ပါတယ် ။

ဒီအရွယ်ကလေးတွေမှာ ဝင်လာတဲ့အစာကိုခွင့်ပြုပေးပြီး အထဲကအစာတွေပြန်မထွက်အောင်တားပေးမယ့် အစာရေမျိုအောက်ပိုင်းနားမှာရှိတဲ့ကြွက်သားလေးတွေက အပြည့်အဝမဖွံဖြိုးသေးတာကြောင့်လည်းဖြစ်ပါတယ် ။

ဒီလိုမျိုး မဖြစ်အောင် ဘာတွေသိထားရမလဲ?
မှန်ကန်တဲ့မိခင်နို့တိုက်နည်း တွေအတိုင်းတိုက်ပေးပါ။
နို့ဘူးတိုက်တဲ့ကလေးကိုလည်း ပက်လက်အနေအထား၊ခွေခေါက်နေတဲ့အနေအထားတွေမဖြစ်စေပဲ အနည်းငယ်ထောင်မတ်တဲ့ အနေအထားလေးနဲ့ တိုက်ပေးပါ။ ဆူညံသံတွေများနေတာမျိုးအာရုံများစရာတွေရှိနေတဲ့ပတ်ဝန်းကျင်မျိုးမှာတတ်နိုင်ရင်နို့တိုက်တာကိုမလုပ်တာကောင်းပါတယ်။

စိတ်လှုပ်ရှားစရာ အာရုံများစရာတွေတွေ့ရင်ကလေးတွေကနို့ နဲ့အတူ လေတွေကိုပိုများများမျိုချမိတတ်ကြလို့ ပါ။ တကယ်လို့ နို့ဘူးတိုက်ရတဲ့ကလေးတွေဆိုရင်တော့ အသက်အရွယ်နဲ့ လိုက်တဲ့ နို့သီးခေါင်းလေးတွေကိုရွေးချယ်ပေးပါ။

နို့သီးခေါင်းမှာပါတဲ့အပေါက်လေးတွေက ကလေးစို့ နိုင်တဲ့ပမာဏထက်နည်းနေခဲ့ရင်ကလေးလိုသလောက်နို့ကိုမစုပ်နိုင်ပဲလေတွေပိုများများဝင်သွားနိုင်ပါတယ်။ ဒီလိုဆိုရင် အန်တာပိုဖြစ်နို်င်တာပေါ့ ။ တကယ်လို့အပေါက်တွေသိပ်များပြီးကလေးစို့နိုင်တာထက်ပိုများများထွက်နေခဲ့ရင်လည်း နို့တွေလျှံကျတာ သီးတာမျိုးဖြစ်စေနိုင်တာမို့ အသက်အလိုက်စနစ်တကျရွေးချယ်ပါ။

ကလေးကိုလေထုတ်ပေးပါ။
နို့စို့ နေရင်းကလေးနားနေတဲ့အချိန်မျိုးမှာလေထုတ်ပေးပါ။ ကလေးရဲ့ အဝတ်အစား Diaper စတာတွေကို ချောင်ချောင်ချိချိဖြစ်နေပါစေ။

နို့တိုက်ပြီးချိန်မှာကလေးကို အနည်းဆုံးနာရီဝက်လောက် ထောင်မတ်တဲ့အနေအထားလေးနဲ့ ထားပေးပါ။ အရမ်းချော့မြူတာ၊ဝှေ့ယမ်းတာတွေမလုပ်ပါနဲ့ ။ နို့တိုက်ပြီးပြီးချင်းဖြစ်နိုင်ရင်ကားမစီးစေတာပိုကောင်းပါတယ်။ ကလေးကိုတစ်ခါတည်းပမာဏအများကြီးတိုက်တာထက် အသင့်အတင့် နှင့် အကြိမ်ရေပိုများများတိုက်ပေးသင့်ပါတယ်။ အိပ်နေစဉ်ပြန်အန်ထွက်လျှင် ဘေးတဘက်သို့ အသာအယာစောင်းပေးပါ။

လေဘယ်လိုထုတ်ရမလဲ?
ကလေးရဲ့ မေးစေ့လေးကို ကိုယ့်ပခုံးပေါ်မှာထားတဲ့အနေအထားမျိုးနဲ့ အသာအယာချီထားပါ။ ကလေး သက်တောင့်သက်သာနဲ့ အသက်ရှုနိုင်တဲ့အနေအထားလေးဖြစ်ပါစေ။ ကလေးရဲ့ ကျောလေးကိုအသာအယာပွတ်ပေးခြင်း၊ ပုတ်ပေးခြင်းတို့ ပြုလုပ်ပါ။

ကလေးကိုယ်လုံးကို အပေါ်ကိုအနည်းငယ်ထပ်မြှင့်ပြီးချီလိုက်ပါ ။ ကလေးရဲ့ ရင်ခေါင်းနေရာလောက်က သင့်ပုခုံးပေါ်မှာရှိနေပါလိမ့်မယ် ဒီပုံစံလေးကလည်း လေတွေထွက်စေဖို့ အထောက်အကူပြုပါတယ် ။ ကျောလေးကိုအသာအယာပွတ်ပေး၊ပုတ်ပေးဖို့ မမေ့ပါနဲ့ ။
ကလေးကိုထိုင်ရက်အနေအထားနဲ့ လဲလေထုတ်နိင်ပါတယ် ။ သင့်ပေါင်ပေါ်မှာထိုင်နေပါစေ။ သင့်လက်တစ်ဘက်နဲ့ ကလေးရဲ့ မျက်နှာ မေးစေ့ တို့ကို ညင်ညင်သာသာထိန်းထားပေးပါ။

ကျန်လက်တစ်ဘက်နဲ့ ကျောလေးကို ပွတ်ပေး၊ပုတ်ပေးပါ။ နောက်တစ်ခုကမှောက်ရက်အိပ်တဲ့အနေအထားလေးနဲ့ ထုတ်ပေးတာပါ။ သင့်ပေါင်ပေါ်မှာ ကလေးကို မှောက်ရက်လေးအိပ်နေပါစေ။ ကလေးရဲ့ မျက်နှာ မေးစေ့လေးတွေကို လက်တစ်ဘက်နဲ့ ညင်ညင်သာသာထိန်းထားပေးပါ။ ကျန်လက်တစ်ဘက်နဲ. ကျောလေးကို ပွတ်ပေး၊ပုတ်ပေးပါ ။

ဒီပုံစံတွေကို တစ်မျိုးပြီးတစ်မျိုးပြောင်းပြီးတော့ လေထုတ်ပေးဖို့ ကြိုးစားလို့ ရပါတယ်။ တကယ်လို့ သင်သေချာလေထုတ်ပေးပေမယ့် လေမတက်လာလျှင်လည်း စိတ်မပူပါနဲ့ ။ ကလေးကို အနားပေးလိုက်ပါ။ အထဲမှာထွက်လာစရာလေတွေများများရှိမနေတာလည်းဖြစ်နိုင်ပါတယ်။

နို့အန်နေတာပုံမှန်မှဟုတ်ရဲ့လား?

အန်တဲ့ပမာဏက အရင်အန်နေကျထက်ပိုများလာတယ် စို့လိုက်တဲ့နို့ပမာဏနီးပါးထိဖြစ်နေတယ်၊ အကြိမ်ပိုများလာမယ် ။

အန်ပြီးနောက်မှာ ကလေးကမအီမသာဖြစ်တဲ့ပုံမျိုးရှိနေမယ် ။ အရှိန်နဲ့ အန်ထုတ်နေတာမျိုးဖြစ်မယ် ။ ဖျားတာ၊အီတာ၊ ဝမ်းပျက်တာ စတဲ့တခြားလက္ခဏာတစ်ခုခုနဲ့ ပါတွဲလာမယ်ဆိုရင်တော့ သာမန်မဟုတ်ပဲ အခြားကြောင်းရင်းတစ်ခုကြောင့်အန်နေတာဖြစ်နိုင်လို့ ဆရာဝန်နဲ့ တိုင်ပင်ဆွေးနွေးသင့်ပါတယ်။

ကလေးသူငယ်များနှင့် အာဟာရ

ကလေးသူငယ်များနှင့် အာဟာရ

ကလေးသူငယ်များဟုဆိုလျှင် မွေးကင်းစမှစ၍ ဆယ်ကျော်သက်အရွယ်အထိ ပါဝင်ပြီး ခန္ဓာကိုယ်အချိုးအစာပြေပြစ်အောင် ကျန်းမာသန်စွမ်းအောင် အဓိက ထိန်းကျောင်းပေးနိင်ခြင်းက အစာအာဟာရကောင်းမွန်စွာ စားသောက်နိုင်ခြင်းပဲ ဖြစ်ပါတယ်။

မွေးကင်းစအရွယ် ( ၁ လမှ ၆ လ / ၁ နှစ်အထိ )

  • မွေးကင်းစအရွယ် အရေးကြီးဆုံးနှင့် အာဟာရအဖြစ်ဆုံးက မိခင်နို့ တိုက်ကျွေးခြင်းဘဲ ဖြစ်ပါတယ်။
  • ၆ လအထိ မည်သည့်ဖြည့်စွက်စာကိုမျှ ကျွေးခြင်းမပြုလုပ်ဘဲ မိခင်နို့တစ်မျိုးတည်းကိုသာ တိုက်သင့်ပါတယ်။
  • ၆ လနှင့် အထက်တွင် ဖြည့်စွက်စာအဖြစ် အသား၊ ငါး၊ အရွက်များကို အချိုးအစားမျှတစွာ နည်းနည်းချင်းစီ စကျွေးနိုင်ပါတယ်။

လမ်းလျှောက်တတ်ကာစ အရွယ် ( ၁ နှစ်မှ ၄ နှစ် )

  • ကလေးငယ်များကိုလည်း ခန္ဓာကိုယ်ဖွံဖြိုးဖို့ အတွက် အကောင်းဆုံးအချိန်တစ်ခုဖြစ်သလို အစာကျွေးရတာ အခက်ခဲဆုံး အချိန်လည်းဖြစ်ပါတယ်။
  • အဲ့ဒါကြောင့် ကလေးများ အစားအသောက်အတွက် ခုံမင်နေချိန်တွင် အာဟာရ ဖြစ်စေသော အစားအသောက်များကို တစ်ခါတည်းကျွေးလိုက်နိုင်ဖို့က အရေးကြီးပါတယ်။
  • ခန္ဓာကိုယ်ကြီးထွားဖို့ အတွက် အရိုးများသန်စွမ်းဖို့က အဓိကကျတာမို့ ကယ်လ်စီယမ်ပါသော အစားအသောက်များဖြစ်သောနို့၊ ငါး အစာရှိတာတို့ကို ကျွေးနိုင်ဖို့လိုပါတယ်။
  • ထိုချိန်တွင် ကလေးများကို အမျှင်ဓာတ်ကြွယ်ဝသောအစားအစာများ ( အသီးအရွက်များ) ကို လည်း စပြီး ကျွေးနိုင်ဖို့လိုအပ်ပါတယ်။
  • အမျှင်ဓာတ်ကြွယ်ဝတဲ့ အစားအသောက်များက ကလေးများရဲ့ အူလမ်းကြောင်း ရှင်းစေရုံသာမက၊ နှလုံးရောဂါ ဖြစ်ခြင်းကို ကာကွယ်ပေးပါတယ်။
မိခင်နို့တိုက်ကျွေးခြင်း၏ အကျိုးကျေးဇူးများ

မိခင်နို့တိုက်ကျွေးခြင်း၏ အကျိုးကျေးဇူးများ

ခေတ်သစ်မေမေတို့ရေ …..

ရင်သွေးငယ်ကို မိခင်နို့တိုက်ကျွေးခြင်းကသာ အကောင်းဆုံးဖြစ်ပါတယ်။ ကလေးကို အသက် (၆) လ အရွယ်ထိ မိခင်နို့တစ်မျိုးတည်းကိုသာ တိုက်ကျွေးပြီး အခြားသောနို့တွေ၊ အစားအသောက်တွကိုတော့ မကျွေး ကြဖို့ ကျန်းမာရေးပညာရှင်များက အကြံပြုထားကြပါတယ်။

ကလေး (၆)လသားအရွယ်လောက်ကနေစပြီး အစာစကျွေးနိုင်ပြီး မိခင်နို့ကိုလည်း ကလေး (၁)နှစ်နဲ့ အထက်ထိ ဆက်လက်တိုက်ကျွေးနိုင်ပါတယ်။ မိခင်နို့တိုက်ကျွေးခြင်းကြောင့် ကလေးရဲ့ အသက်(၂)နှစ်နဲ့ နောက်ပိုင်းမှာ ကျန်းမာရေးအကျိုးကျေးဇူးတွေရရှိနိုင်ပါတယ်။ ကလေးကို အချိန်ကြာကြာ မိခင်နို့တိုက်ကျွေး လေ၊ ကျန်းမာစေဖို့အကျိုးကျေးဇူးပိုများလေပဲဖြစ်ပါတယ်။

ကလေးကို မိခင်နို့တိုက်ကျွေးသွားဖို့ သင်နဲ့သင့်မိသားစုက ဆုံးဖြတ်ချက်မချရသေးဘူးဆိုရင်တော့ ရက်သတ္တပတ်အနည်းငယ်လောက်ထိ ကြိုးစားပြီးတိုက်ကျွေးကြည့်သင့်ပါတယ်။ မိခင်နို့တိုက်ကျွေးခြင်းနဲ့ပတ် သက်ပြီး ပိုပြီးအသေးစိတ်သိရှိလိုတဲ့အခါ ကျန်းမာရေးအကြံပြုနိုင်တဲ့ပညာရှင်တွေနဲ့ အသေးစိတ်တိုင်ပင် ဆွေးနွေးကြည့်သင့်ပါတယ်။

ရင်သွေးငယ်ကို မိခင်နို့တိုက်ကျွေးခြင်းကြောင့် ကလေးရော၊ မိခင်မှာပါ ကျန်းမာရေးအကျိုးကျေးဇူး တွေရရှိနိုင်ပါတယ်။

မိခင်နို့တိုက်ကျွေးခြင်းကြောင့် ကလေးတွင်ရရှိစေမည့် အကျိုးကျေးဇူးများ

  • မိခင်နို့က ကလေးရဲ့ ပထမဦးဆုံးခြောက်လအတွက် ကလေးမှာ လိုအပ်သမျှ အာဟာရတွေကို ဖြည့်ဆည်းပေးနိုင်ပါတယ်။
  • ကလေးကို ကူးစက်ပိုးဝင်ရောက်မှုတွေကနေ ကာကွယ်ပေးပါတယ်။
  • အခြားသောနို့အမျိုးမျိုးထက် မိခင်နို့က ကလေးအတွက် ပိုပြီးအစာကြေလွယ်စေပါတယ်။
  • မိခင်နို့တိုက်ကျွေးစဉ် မိခင်နဲ့ကလေးမှာ ထိတွေ့မှုပိုများစေပြီး မိခင်နှင့်ကလေးကြား တွယ်တာနှောင်ဖွဲ့မှု၊ သံယောဇဉ် ပိုမိုနက်ရှိုင်းစေပါတယ်။
  • အရွယ်ရောက်ကြီးပြင်းလာတဲ့နောက်ပိုင်း အဝလွန်နိုင်ခြေနဲ့ ဆီးချိုရောဂါဖြစ်ပွားနိုင်ခြေကို လျော့နည်း စေပါတယ်။
  • ဉာဏ်ရည်ဖွံ့ဖြိုးတိုးတက်စေပါတယ်။ IQစွမ်းရည်မြင့်မားစေတဲ့အပြင် မေးရိုးဖွံ့ဖြိုးမှုလည်း ပိုကောင်းစေပါ တယ်။ သွားတွေပိုးစားထိခိုက်မှုနည်းစေပြီး သွားတွေရည်ရှည်ခိုင်ခံ့လှပစေပါတယ်။

မိခင်နို့တိုက်ကျွေးခြင်းကြောင့် မိခင်တွင်ရရှိစေမည့် အကျိုးကျေးဇူးများ

  • မီးဖွားပြီးနောက်ပိုင်း သွေးဆင်းခြင်းကိုနည်းစေပြီး သားအိမ်ကိုမူလအတိုင်းပြန်ကျန်းမာစေဖို့ ကူညီပေးပါ တယ်။
  • ကိုယ်ဝန်မဆောင်ခင်က ကိုယ်အလေးချိန်တိုင်း ပြန်ဖြစ်ဖို့ ပိုပြီးမြန်ဆန်စေပါတယ်။
  • မီးဖွားပြီးနောက် မျိုးဥကြွေမှုပြန်လည်စတင်ခြင်းကို ကြန့်ကြာစေပါတယ်။ တနည်းအားဖြင့် ဓမ္မတာပြန် မလာသေးတဲ့မိခင်မှာ ကိုယ်ဝန်ထပ်မရစေဖို့ ကာကွယ်ပေးပါတယ်။
  • ကင်ဆာရောဂါတွေ ဖြစ်ပွားနိုင်ခြေကိုလည်း လျှော့နည်းစေပါတယ်။
  • အရိုးတွေကို ပိုမိုသန်မာစေပါတယ်။

မိခင်နို့တိုက်ကျွေးခြင်းကြောင့် မိသားစုတွင်ရရှိစေသည့် အကျိုးကျေးဇူးများ

  • မိခင်နို့စို့ရတဲ့အတွက် ကလေးကကျန်းမာရွှင်လန်းနေပြီး ဆေးရုံ၊ ဆေးခန်းအပြရနည်းစေကာ ဆေးဝါးမှီဝဲ ရမှုလည်း နည်းစေပါတယ်။
  • နို့ဘူးတိုက်တာထက် မိခင်နို့တိုက်ကျွေးတာက ကုန်ကျစရိတ်ပိုမိုသက်သာစေပါတယ်။
  • မိခင်နို့တိုက်ကျွေးတာက ဘေးကင်းစိတ်ချရပြီး မိသားစုအတွက်လည်း အချိန်ကုန်လူပင်ပန်း သက်သာ စေပါတယ်။

မေမေတစ်ယောက်အနေနဲ့
သားသားမီးမီးလေးရဲ့ မှန်ကန်ကောင်းမွန်တဲ့ အာဟာရကျွေးမွေးမှု ၊ ကလေးပြုစုစောင့်ရှောက်ရေးစတာတွေ အတွက် စိတ်ပူတတ်တာ ထုံးစံပါပဲ..

ကလေးဦးနှောက်ကြီးထွားအောင် ဘယ်လိုအာဟာရ ဓာတ်တွေ လိုအပ်သလဲ ?

ကလေးဦးနှောက်ကြီးထွားအောင် ဘယ်လိုအာဟာရ ဓာတ်တွေ လိုအပ်သလဲ ?

ကလေးဦးနှောက်ကြီးထွားအောင် ဘယ်လိုအာဟာရ ဓာတ်တွေ လိုအပ်သလဲ ?

ဦးနှောက်က Essential Fatty acid ခေါ်တဲ့ DHA အဆီနဲ့ ဖွဲ့စည်းထားပါတယ်။ ဒါကြောင့် ဦးနှောက်တွေဟာ ပျော့စိစိဖြစ်ရတာပါ။

ဦးနှောက်ဆဲလ်တစ်ခုနှင့်တစ်ခု ဆက်သွယ်ရေးလမ်းကြောင်းတွေမှာ လျှပ်စစ်စီးဆင်းဖို့လွယ်အောင် အမြှေးပါးနဲ့ဖုံးထားရပါတယ်။

အဲဒီအမြှေးပါးဖြစ်ထွန်းဖို့ လွယ်အောင်အမြှေးပါးနဲ့ ဖုံးထားရပါတယ်။ အဲဒီမမြှေးပါးဖြစ်ထွန်းဖို့ choline ဆိုတဲ့ ဗိုက်တာမင်ဓာတ်လိုပါတယ်။ လျှပ်စစ်စီးဆင်းမှုမြန်လေ ဦးနှောက်အလုပ်လုပ်ရတာ တုံ့ပြန်မှု လုပ်တာမြန်လေ ဖြစ်မှာပါ။

ဦးနှောက်ဖွံ့ဖြိုးတိုးတက်ဖို့အတွက် လိုတာက အိုင်အိုဒင်း၊ သံဓာတ်နဲ့ ဗိုက်တာမင်A ဖြစ်ပါတယ်။ အဲဒီဓာတ်၃ ခုကိုလုံလောက်အောင်ပေးရင် IQ ၁၅ မှတ်အထိ တက်တယ်လို့ ဆိုပါတယ်။

ဇင့်သတ္တုဓာတ်ကလည်း ဦးနှောက်ဖွံ့ဖြိုးမှုအတွက်အရေးကြီးသလို ဝမ်းလျှောဝမ်းပျက်မဖြစ်အောင် ကာကွယ်ပေးပါတယ်။ Probrotics ဆိုတဲ့ လူသားအကျိုးုပြုဘတ်တီးရီးယား ပိုးလေးတွေကလည်း ဝမ်းလျှောဝမ်းပျက်ကို ကာကွယ်ပေးနိုင်ပါတယ်။

Probrotics က ရောဂါဖြစ်စေနိုင်တဲ့ ပိုးမွှားတွေကို တိုက်ခိုက်ပေးတဲ့ ခန္ဓာကိုယ်ရဲ့ စစ်သားတွေဖြစ်ပါတယ်။

ဝမ်းလျှောဝမ်းပျက်နည်းရင် အာဟာရချို့တဲ့မှု နည်းမယ်။ ပိုပြီးကြီးထွားမယ်လို့ သွယ်ဝိုက်ပီး ဆိုနိုင်ပါတယ်။

အသက်၂နှစ်မှာမိခင်နို့ဖြတ်ရင် ဘယ်လိုအကျိုးသက်ရောက်မှု ရှိနိုင်ပါသလဲ ?

  • အသက်၂နှစ်အထိ နို့တိုက်ပါလို့ပြောပါတယ်။ နို့ဖြတ်ပါလို့ပြောတာ မဟုတ်ပါဘူး။ ၂နှစ်ကျော်ပြီး နို့တိုက်နေတဲ့မိခင်တွေလည်း ရှိပါတယ်။ အသက်၆လ အထိ မိခင်နို့တစ်မျိုးတည်းနဲ့ အာဟာရလုံလောက်ပါတယ်။
  • အသက်၆လက ၁နှစ်အတွင်းမှာဆိုရင် လိုတဲ့အာဟာရရဲ့ တစ်ဝက်သာမိခင်နို့က ဖြည့်တင်းနိုင်ပါတယ်။ ဒါကြောင့်ဖြည့်စွက်စာစကျွေးရတာပါ။
  • အသက်၁နှစ်ကျော်ရင် လိုတဲ့အာဟာရရဲ့ သုံးပုံတစ်ပုံကိုသာ မိခင်နို့ကဖြည့်ဆည်းပေးနိုင်ပါတယ်။ ဒီအရွယ်ကျရင် ပုံမှန်မိသားစုထမင်းဝိုင်းထဲက ထမင်းဟင်းစကျွေးနိုင်ပါပြီ။
  • အသက်၂နှစ်ကျရင် မိခင်နို့ထွက်နှုန်း နည်းသွားပါတယ်။ ကလေးကလည်း ဒီပြင်အစားအသောက်တေ ပိုမက် လာတတ်ပါတယ်။
  • နောက်ပြီးသားဆက်ခြားစီမံချက်အရ နောက်ကလေးတစ်ယောက်ယူဖို့ ပြင်ဆင်နိုင်တဲ့အချိန်လည်းဖြစ်တော့ နို့ပြတ်သွားတာဖြစ်ပါတယ်။ အမေကလည်းနောက်ကလေး မယူသေးဘူးဆိုရင် ဆက်တိုက်လို့ရပါတယ်။
  • မိခင်နို့ထဲမှာခုနက ပြောခဲ့တဲ့ DHA, Choline နဲ့ Probiotic ၃မျိုးစလုံး ပါနေပါတယ်။ အဲဒိ ၃ခုလုံးပါတဲ့ သဘာဝအစားအသောက် မရှိပါဘူး။

ဒါကြောင့်ဆက်တိုက်ပါလို့ အကြံဉာဏ်ပေးတာပါ။

en_USEN
my_MMMY en_USEN