COVID-19ကြောင့် ကျောင်းပိတ်ထားချိန် သားသားမီးမီးတို့ အိမ်မှာနေရင်း အကျိုးရှိရှိပျော်ရွှင်စေမည့်နည်းလမ်းများ

COVID-19ကြောင့် ကျောင်းပိတ်ထားချိန် သားသားမီးမီးတို့ အိမ်မှာနေရင်း အကျိုးရှိရှိပျော်ရွှင်စေမည့်နည်းလမ်းများ

မိုဘိုင်းနည်းပညာတွေ ဖောဖောသီသီရှိနေတဲ့ ဒီနေ့ခေတ်ထဲမှာ ကလေးတွေကို Screen Time လုံးဝမရှိရဘူးလို့ ပိတ်ပင်ထားနိုင်ပါရဲ့လား။ ဒီတော့ Screen Time ကို စနစ်တကျလေး သတ်မှတ်ပေး ထားမယ်ဆိုရင် ကလေးတွေအတွက် ဘေးကင်းစွာနဲ့ ကစားသင်ယူမှုဖြစ်စေမှာပါ။

  • သင်နံနက်စာပြင်ဆင်နေချိန်မျိုး၊ နေ့လည်စာပြင်ဆင်ပေးနေချိန်မျိုးတွေမှာ Screen Time ထား ပေးလိုက်ပါ။ သူတို့လေးတွေရဲ့ အကြိုက်ဆုံးကာတွန်းကားလေးတွေပြပေးထားမယ်ဆိုရင် သင့် အတွက်လည်း အချိန်ရ၊ ကလေးတွေလည်း ပျော်ရဆိုတော့ နှစ်ဦးနှစ်ဖက် အကျိုးရှိမှာပါ။
  • Screen Time ပြီးဆုံးပြီဆိုတာနဲ့ ချက်ချင်းပိတ်ပေးပါ။ ကလေးကိုတော့ မကြည့်နဲ့ပြောပြီး ဆက် ပြီးဖွင့်ထားတာမျိုး၊ အသံတွေဆက်ထွက်နေတာမျိုးကျ ကလေးကိုဘယ်လောက်ပဲတားနေနေ အ သုံးဝင်မှာမဟုတ်ပါဘူး။ အိမ်က အရမ်းတိတ်ဆိတ်လွန်းနေလို့ဆိုရင်တော့ သီချင်းသံလေးတွေပဲ ဖွင့်ထားပြီး ကလေးတွေ မြူးမြူးကြွကြွ ပျော်ပျော်ပါးပါး ကခုန်နေစေလိုက်ပါ။

အာရုံပြောင်းသွား ပြီး အဆင်ပြေသွားပါလိမ့်မယ်။
ဟုတ်ပါတယ်။ တကယ်တမ်းကျ ကလေးတွေကို စနစ်တကျဖြစ်စေဖို့ အချိန်ဇယားနဲ့နေခိုင်းတာက အဆင်ပြေတာလည်းရှိသလို တချို့သောမေမေတွေအတွက် အတော်လေးရုန်းကန်ရတဲ့အခက်အခဲမျိုး တွေနဲ့လည်း ရင်ဆိုင်ရနိုင်ပါတယ်။

ဘယ်အရာကမှပြီးပြည့်စုံလွန်းနေတာမျိုးမရှိဘူးလို့တွေးထားရသလို အလိုလိုက်လွန်းတဲ့အနေအထားမျိုးလည်းဖြစ်မသွားစေဘဲ အလိုက်သင့်လေးနဲ့ ကလေးတွေရဲ့ ပျော်ရွှင် မှုနဲ့ဆန္ဒကိုသာ ဦးစားပေးပါ။ အချိန်ဇယားအတိုင်း ကြိုးစားကြည့်ပေမယ့် အဆင်မပြေဘူးဆိုလည်း စိတ် အေးအေးထားပြီး နောက်ရက်တွေကျ ပြန်ကြိုးစားကြည့်ပါ။

နေ့ရက်တွေတိုင်းမှာ မိသားစုဝင်တွေ ဘေး ကင်းကင်းနဲ့ ပျော်ပျော်ရွှင်ရွှင် စည်းစည်းလုံးလုံးရှိနေဖို့သာ အရေးကြီးတာပါ။ အလုပ်တွေနဲ့ ကလေးတွေ ကိုအချိန်မပေးနိုင်ခဲ့သမျှ ဒီအချိန်မှာ မိသားစုအတွက် တန်ဖိုးရှိတဲ့အချိန်တွေ အတိုးချပြီး ရရှိတာဆိုပြီး အကောင်းမြင်ကြည့်ပေးပါ။

တစ်နေကုန် တပျော်တပါးကစားသင်ကြားထားခဲ့ရသမျှ ခြေကုန်လက်ပမ်းကျသွားလို့ နှစ်နှစ်ခြိုက် ခြိုက်အိပ်မောကျသွားတဲ့ကလေးတွေကိုကြည့်ရုံနဲ့ မေမေ၊ ဖေဖေတို့လည်း တစ်နေကုန်ပင်ပန်းထားခဲ့သ မျှ အမောပြေကြရမှာပါ။

မိသားစုအတူတကွအချိန်ကုန်ရင်း နောင်ရက်တွေမှာ အရင်လိုပျော်ရွှင်ဖွယ် အတိပြီးတဲ့ သာယာတဲ့နေ့တွေရောက်လာတော့မှာလို့ ဖြေသိမ့်အားပေးရင်း COVID-19 ကြောင့် အိမ်မှာနေရတဲ့ကာလမှာ မေမေဖေဖေတို့ရဲ့ ပူပန်ဖိစီးမှုတွေလည်း အတန်အသင့်ပြေလျော့သက်သာရာ ရသွားစေမယ်လို့ မျှော်လင့်မိပါတယ်။

မြင်သူတိုင်း ပြုံးပျော်ရွှင်ပြီး ဝိုင်းအုံချစ်ရလောက်တဲ့ ကလေးပုံလေးမျိုး မိမိကလေးလေးကို ဖြစ်စေချင်လား

မြင်သူတိုင်း ပြုံးပျော်ရွှင်ပြီး ဝိုင်းအုံချစ်ရလောက်တဲ့ ကလေးပုံလေးမျိုး မိမိကလေးလေးကို ဖြစ်စေချင်လား

မြင်သူတိုင်း ပြုံးပျော်ရွှင်ပြီး ဝိုင်းအုံချစ်ရလောက်တဲ့ ကလေးပုံလေးမျိုး မိမိကလေးလေးကို ဖြစ်စေချင်လား?
ကလေး က စိတ်ရော၊ကိုယ်ရော ပျော်ပျော်ရွှင်ရွှင် ဖြစ်နေတယ်ဆိုရင် ကျန်းကျန်းမာမာ ရှိလို့ပဲပေါ့။

ကလေးဆိုတာ မွေးကင်းစကနေ အရွယ်ရောက်တဲ့အထိ တယုတယနဲ့ ပျိုးထောင်ရတဲ့ ကိုယ့်ရဲ့ ရင်သွေးမျိုးစေ့လေးပဲ မဟုတ်ပါလား။ကလေးက နဂို ရှိရမယ့် အရွယ်မှာ နဂို အရွယ်မရှိဘဲ ကြီးထွားမှု နှေးနေတာတို့ လူက မထွားလာတာတို့ဆို ဖေဖေမေမေတို့ စိတ်မချမ်းသာရပါဘူး။

ကလေးခန္ဓာကိုယ်ကြီးထွားဖွံ့ဖြိုးဖို့ ဘာတွေလိုမလဲ၊ ဘာတွေလုပ်ရမလဲ သိထားရင် ကိုယ့်ရဲ့ ရင်သွေးမျိုးစေ့လေးကို သေချာပြုစုပျိုးထောင်နိုင်ပြီပေါ့။

ကလေးနဲ့ ရင်းရင်းနှီးနှီးဆက်ဆံပါ
ချစ်ခြင်းတရားနဲ့ ကြီးပြင်းလာတဲ့ ကလေးဟာ ခန္ဓာကိုယ်ရော ဉာဏ်ရည်ပါ ဖွံ့ဖြိုးတိုးတက်တာ အားကောင်းပါတယ်လို့ လေ့လာတွေ့ရှိချက်တွေက သက်သေပြနေပါတယ်။

ဆော့ကစားပါ
ကလေးအရွယ်ဆိုတာ လှုပ်ရှားဆော့ကစားတာကနေ ဖွံ့ဖြိုးကြရပါတယ်။ လက်ကို ဘယ်လိုလှုပ်တာ လမ်းဘယ်လိုလျှောက်တာ သေးသေးလေးက အစ ဆော့ကစားရင်းနဲ့ ကြွက်သားတွေ အရိုးတွေ ကြီးထွားသန်မာလာတာပါ။

အာဟာရ
ခန္ဓာကိုယ်ကြီးထွားဖို့ဆိုတာ အာဟာရ ကောင်းကောင်းရရှိဖို့လိုပါတယ်။ မွေးကာစကနေ ခြောက်လအထိ မိခင်နို့တစ်မျိုးတည်း တိုက်ဖို့ တိုက်တွန်းချင်ပါတယ်။

အသက်ခြောက်လ နောက်ပိုင်း ဖြည့်စွက်စာကို အသက်အရွယ် အပိုင်းအခြားအလိုက် အာဟာရမျှမျှတတ ဖြစ်အောင် အချိန်မှန်မှန်နဲ့ စနစ်တကျဖြစ်အောင် ကျွေးသင့်ပါတယ်။

အာဟာရမျှမျှတ ဖြစ်ဖို့ (၁)ကောက်ပဲသီးနှံအုပ်စု (၂)အသားငါးအုပ်စု (၃)အသီးအရွက်အုပ်စု (၄)သစ်သီးအုပ်စု (၅)နို့နှင့် နို့ထွက်ပစ္စည်းအုပ်စု စတဲ့ အစာအုပ်စု ငါးခုကို မျှမျှတတကျွေးသင့်ပါတယ်။

ကာကွယ်ဆေး
ကလေး မွေးကင်းစကနေ အသက်အရွယ်အလိုက် ကမ္ဘာ့ကျန်းမာရေးအဖွဲ့(WHO)ချမှတ်ထားတဲ့ ကာကွယ်ဆေး အစီအစဉ်ကို သေချာလိုက်နာပါ။ မတော်တဆ ရောဂါပိုးတွေ ကလေးကို ကူးစက်သွားရင် ကလေးခန္ဓာကိုယ် ဖွံ့ဖြိုးမှုကို နောက်ကျစေပါတယ်။

ကျန်းမာရေး
ကလေးတိုင်း နေမကောင်းတဲ့ အချိန်တော့ ရှိကြပါတယ်။ ဥပမာ- သာမန် ချောင်းဆိုး၊ ကိုယ်ပူတာမျိုးတွေ။ ဒါမျိုး အသေးအဖွဲ နေမကောင်းတာမျိုးတွေ ရှိသလို နာတာရှည် ကျန်းမာရေးထိခိုက်မှုတွေလည်း ရှိနိုင်ပါတယ်။ ဥပမာ cerebral palsy, cystic fibrosis စတဲ့ အခြေအနေတွေမှာ ကလေးတွေရဲ့အမြင်အကြားအာရံ ထိခိုက်မှုတွေ ဖွံဖြိုးမှုကို ထိခိုက်တာတွေ
ရှိတတ်ပါတယ်။

ပတ်ဝန်းကျင်
ကလေး ကြီးပြင်းတဲ့ ပတ်ဝန်းကျင် အသိုင်းအဝိုင်းကလည်း ကလေးဖွံ့ဖြိုးတိုးတက်မှုအပေါ် အများကြီး သက်ရောက်မှုရှိပါတယ်။ ဥပမာ – ကလေး ကြီးထွားဖွံ့ဖြိုးဖို့ အထောက်အကူပြုတဲ့ ကစားကွင်းတွေ၊ ပန်းခြံတွေ၊ ကလေးစောင့်ရှောက်ရေး စင်တာတွေ၊ ဂေဟာတွေ၊ ကျန်းမာရေးစောင့်ရှောက်မှုစင်တာတွေ ဒါတွေ ရှိနေခြင်းဟာ ကလေး ခန္ဓာကိုယ် ဖွံ့ဖြိုးတိုးတက်ဖို့အတွက် တွန်းအားတွေပါ။

ကလေး တွေ ကြီးထွားဖွံ့ဖြိုးတာ သူ့အသက်အရွယ်နဲ့ သူရှိပါတယ်။ ဖေဖေမေမေတို့ အနေနဲ့ကတော့ ကိုယ့်ကလေးဘယ်တော့ စထိုင်မလဲ၊ဘယ်တော့ စကားပြောမလဲ၊ ဘယ်တော့ လမ်းလျှောက်မလဲ အမြဲ ရင်ခုန်ပြီး စောင့်ကြည့်နေရတာမျိုးပါ။ ကလေးတွေ ကြီးထွားဖွံ့ဖြိုးတာ တစ်ခါတစ်လေ ကွာခြားတတ်ပါတယ်။

ကိုယ့်ကလေး “ပုံမှန်အတိုင်း” ကြီးထွားဖွံ့ဖြိုးရဲ့လား သိချင်ရင်တော့ တက်ကျွမ်းတဲ့ ပညာရှင်တွေနဲ့ ဆွေးနွေးတိုင်ပင်နိုင်ပါတယ်။”

ကလေးကျန်းမာရေးနဲ့ ပတ်သတ်ပြီးတော့ ဆေးရုံဆေးခန်းကို သွားဖို့ အခက်အခဲ ရှိနေရင် ရင်သွေး call center ကို သတိရလိုက်ပါနော်။

en_USEN
my_MMMY en_USEN