အဆုတ်ကင်ဆာအကြောင်း

အဆုတ်ကင်ဆာအကြောင်း

အဆုတ်ကင်ဆာ ဟာကမ္ဘာပေါ်မှာ အဖြစ်အများဆုံးနဲ့ သေဆုံးမှုအများအပြားဖြစ်စေတဲ့ ကင်ဆာရောဂါဖြစ်ပါတယ်။ မြန်မာနိုင်ငံမှာလည်း အဖြစ်အများဆုံး နံပါတ် ၁ ကင်ဆာဖြစ်ပါတယ်။

ဒါကြောင့် အဆုတ်ကင်ဆာအကြောင်းသိကောင်းစရာလေးတွေကိုဖတ်ကြည့်လိုက်ရအောင်နော်

ရေးသားသူ – ဒေါက်တာ စိုးမြင့်ဝင်း

အဆုတ်ကင်ဆာဘာကြောင့်ဖြစ်လဲ

အဆုတ်ကင်ဆာကိုဖြစ်စေတဲ့အဓိကအကြောင်းရင်းက ဆေးလိပ်သောက်ခြင်းနဲ့တဆင့်ခံဆေးလိပ်ငွေ့ရှူရှိက်မိခြင်း တို့ကြောင့်ဖြစ်ပါတယ်။ ဆေးလိပ်ငွေ့မှာပါတဲ့ကင်ဆာဖြစ်စေတဲ့ ဓာတုပစ္စည်းတွေဟာ အဆုတ်နဲ့ လေပြွန် တလျှောက် မှာရှိတဲ့ ဆဲလ်တွေကိုပျက်စီးစေပြီး တဖြည်းဖြည်းနဲ့ကင်ဆာဖြစ်လာစေပါတယ်

ဘယ်သူတွေမှာအဆုတ်ကင်ဆာပိုဖြစ်နိုင်လဲ

  • ဆေးလိပ်သောက်သူများ၊ တဆင့်ခံဆေးလိပ်ငွေ့ရှူနေရသူများ
  • မကြာခဏအသက်ရှူလမ်းကြောင်းရောဂါဖြစ်တတ်သူများ ဥပမာ။ တီဘီရောဂါ၊ နမိုးနီးယားအဆုတ်ရောင်ရောဂါ
  • ဓာတ်ရောင်ခြည်ထိတွေ့မှုများသောသူများ
  • စက်ရုံ၊ အလုပ်ရုံ၊ မိုင်းတွင်း သတ္တုတွင်းများတွင်အလုပ်လုပ်သူများ
  • မိသားစုတွင်အဆုတ်ကင်ဆာဖြစ်ဖူးသူရှိခြင်း

 အဆုတ်ကင်ဆာြဖစ်ရင်ဘယ်လိုလက္ခဏာတွေဖြစ်မလဲ

အဆုတ်ကင်ဆာဟာ ရောဂါအစောပိုင်းမှာ ဘာလက္ခဏာမှမပြတတ်ပဲ နောက်ပိုင်း ရောဂါရင့်လာမှ ဒီလိုလက္ခဏာတွေပေါ်လာတတ်ပါတယ်

  • ရက်ရှည်ချောင်းဆိုးခြင်း
  • ချောင်းဆိုးလျှင်သွေးပါခြင်း
  • ရင်ဘတ်အောင့်ခြင်း
  • အသက်ရှူမဝခြင်း၊ မောခြင်း
  • အသံပြောင်းသွားခြင်း (အသံဩလာခြင်း)
  • အစားအသောက်ပျက်ခြင်း
  • ကိုယ်အလေးချိန်ကျလာခြင်း

 အဆုတ်ကင်ဆာမှန်းဘယ်လိုစမ်းသပ်သိရှိနိုင်မလဲ

အပေါ်မှာ ပြောထားတဲ့ ရောဂါလက္ခဏာတွေခံစားနေရတယ်၊ ဆေးလိပ်လည်း သောက်တယ်ဆိုရင် အမြန်ဆုံး နီးစပ်ရာဆေးရုံကိုသွားပြီး ကျွမ်းကျင်ဆရာဝန်နဲ့ပြသပြီးစမ်းသပ် ကုသမှုခံယူသင့်ပါတယ်

ဆရာဝန်မှ စမ်းသပ်စစ်ဆေးပြီး လိုအပ်သလို ရင်ဘတ်ဓာတ်မှန်၊ ကွန်ပျူတာဓာတ်မှန်ရိုက်ခြင်း၊ အသားစ ယူ၍စစ်ဆေးခြင်းတို့ဖြင့် အဆုတ်ကင်ဆာကိုသိရှိနိုင်ပါတယ်

အဆုတ်ကင်ဆာမဖြစ်အောင်ဘယ်လိုကာကွယ်ရမလဲ

  • ဆေးလိပ်မသောက်ပါနဲ့
  • အကယ်၍ ဆေးလိပ်သောက်နေတယ်ဆိုလျှင်လည်း ဆေးလိပ်ဖြတ်ဖို့ကြိုးစားပါ၊ ဆေးလိပ်ကို နှစ်ရှည်လများ စွဲသောက်ခဲ့လျှင်တောင် ဆေးလိပ်ဖြတ်လိုက်တာနဲ့တပြိုင်တည်း အဆုတ်ကင်ဆာြဖစ်ဖို့ ရာခိုင်နှုန်းကျသွားပါတယ်
  • အနီးပတ်ဝန်းကျင်မှာ ဆေးလိပ်သောက်တဲ့သူရှိရင် ဝေးဝေးရှောင်ပါ
  • စက်ရုံ၊ အလုပ်ရုံ၊ သတ္တုတွင်းများတွင်လုပ်နေပါက အကာကွယ်နှာခေါင်းစည်းတပ်ပါ
  • ဗီတာမင်ကြွယ်ဝသောအသီးအနှံ နဲ့ အရွက်များများစားပေးပါ
  • ကိုယ်လက်လှုပ်ရှား အားကစား  တနေ့လျှင် နာရီဝက်အချိန်ပေးပြီး ပုံမှန်လုပ်ပေးပါ

 

Name ဒေါက်တာ စိုးမြင့်ဝင်း
Degrees M.B.,B.S (ygn)
Biography Graduated from UM1 2019 Currently Studying Msc Nutrition & Dietectic Currently Working as Medical Officer at yin thway call center.
Topic
  • အထွေထွေကျန်းမာရေးဆိုင်ရာ
  • ကလေး ကျန်းမာရေး ဆိုင်ရာအကြောင်းအရာများ
  • မိခင်နို့တိုက်ကျွေးခြင်းနှင့် ဖြည့်စွက်စာ ကျွေး ရန်သိမှတ်ဖွယ်ရာမျးာ
  • ကလေး ကြီးထွားမှုနှင့် ဉာဏ်ရည်မြင့်မားမှုအတွက်အာဟာရဆိုင်ရာ အကြံပေးချက်များ
  • ဆီးချို၊သွေးတိုး လူနာများအတွက် အထူးအစာအာဟာရအကြံပေးချက်များ
  • ကျောက်ကပ်လူနာများ၊ကင်ဆာရောဂါ လူမမာများအတွက် အထူးအစာအာဟာရအကြံပေးချက်များ
  • အဝလွန်သူများ၊ကိုယ်အလေးချိန် အာဟာရမျှတစွာလျော့လိုသူများအတွက် DIET planများ
  • အစာအိမ်ရောင် ခြင်း၊အစာအိမ်မကြာခဏမအီမသာဖြစ်သူများ၊ဝမ်းချုပ်သူများအတွက် အာဟာရအကြံပေးမှုများ
  • အဘိုးအဖွား များအတွက် ပိုမိုအားဖြစ်စေ၍ ပိုမိုကျန်းမာစေ သော အာဟာရ အကြံပေး မှုများကို
    • ဆွေးနွေးပေးနိုင်ပါတယ်ခင်ဗျာ။

Address Parami General Hospital
en_USEN
my_MMMY en_USEN