(+95)979 811 5566 info@myancare.org
ခြင်မကိုက်အောင် ဘာလုပ်ကြမလဲ

ခြင်မကိုက်အောင် ဘာလုပ်ကြမလဲ

ခြင်မကိုက်အောင် ဘာလုပ်ကြမလဲ

ခြင်ကြောင့် ရောဂါအဖြစ်များတဲ့ နိုင်ငံ၊ အဖိတ်အစင်များတဲ့ နိုင်ငံတွေထဲမှာ မြန်မာနိုင်ငံလည်း ပါ ပါတယ်။

သွေးလွန်တုတ်ကွေးရောဂါဆို မိုးရာသီ ရောက်တာနှင့် သားသားမီးမီးတို့ရဲ့မိဘတွေ စိုးရိမ်ကြောင့်ကြရပါပြီ။

ခြင်ကိုက်လို့ ဖြစ်ရတဲ့ ဌက်ဖျားဆိုရင် လည်း မြန်မာနိုင်ငံ အနှံ့မှာ အသက်အန္တရာယ်အလွန်ပေးတဲ့ ရောဂါပါ။

ဆင်ခြေထောက်ရောဂါဇီကာ ဗိုင်းရစ်Chikungunyaဂျပန်ဦးဏှောက်ရောင်ရောဂါ လိုမျိုး အန္တရာယ်များတဲ့ ရောဂါတွေရဲ့ အရင်းအမြစ်ကလည်း ခြင်ပါပဲ။

ခြင်မကိုက်အောင်ဆိုပြီး ခြေဆေးခွေတွေကို သုံးနေကြတာ မကောင်းပါဘူး။ ခြင်ဆေးခွေက ထွက်တဲ့ အငွေ့ဟာ (Formaldehyde) လို့ ခေါ်တဲ့ အဆိပ်ငွေ့ပါ။ ခြင်အန္တရာယ်ကို ကြောက်လို့ အဆိပ်ငွေ့တွေ ရှုနေရတာတော့ နည်းလမ်းမဟုတ်ပါဘူး။

ဒီတော့ ခြင်မကိုက်အောင် ဘာလုပ်ကြမလဲ

ပတ်ဝန်းကျင်မှာ ခြင်ပေါက်ဖွားနိုင်တဲ့ နေရာတွေ မရှိအောင်လုပ်မယ်။

  • ခြင်ဆိုတာ ရေသေရှိတဲ့ နေရာတွေမှာသာ ပေါက်ဖွားနိုင်ပါတယ်။ ဒါကြောင့် မိုးရာသီအချိန်အခါမှာ ဖုံး၊ သွန်၊ လဲ၊ စစ်၊ ခပ်၊ လောင်း၊ ထောင်၊ မြှုပ်၊ ဖွင့် ၊ ရှင်း၊ မှုတ် စတာတွေကို မိမိ နေအိမ်၊ ရပ်ကွက်အလိုက်၊ မြို့နယ်အလိုက်တွေ အပတ်တိုင်း အပတ်တိုင်း လုပ်သင့်ပါတယ်။

ခြင်မဝင်အောင်လုပ်မယ်။

  • အိမ်ထဲ ခြင်မဝင်အောင် ခြင်ဇကာတွေ ကာထားတာတွေ လုပ်သင့်ပါတယ်။ အိပ်တဲ့ အခါလည်း ခြင်ထောင် ထောင်အိပ် ဖို့ လိုပါတယ်။

ခြင်မကိုက်တဲ့ လိမ်းဆေး၊ Spray တွေ သုံးမယ်။

  • ခြင်မကိုက်အောင်လိမ်းဆေးတွေ Spray တွေ သုံးတာ ဟာ ခြင်မကိုက်အောင် ကာကွယ်ပေးနိုင်ပါတယ်။ ဒါပေမယ့် တစ်နေကုန်တော့ မခံပါဘူး။ အဲ့ဒါအတွက်တော့ သတိထားရပါမယ်။

အရမ်းငယ်တဲ့ ကလေးတွေမှာဆိုရင် သတိထားပြီးသုံးစွဲရပါမယ်။ အသားအရည် နုနုလေးတွေမှာ ဓာတ်မတဲ့ တဲ့ အနေအထားတွေ ရှိမရှိ အမြဲ ဂရုစိုက်ရပါမယ်။

အရောင်ဖျော့ဖျော့ နဲ့ သက်တောင့်သက်သာ ရှိမယ့် အဝတ်အစားတွေ ဝတ်မယ်။
အမည်းရောင်၊ အနီရောင်၊ အပြာရင့်ရင့်၊ အဝါတောက်တောက် စတဲ့ အရောင်ရင့်ရင့် တွေက ခြင်တွေကို ပိုဆွဲဆောင်စေပါတယ်။ အရောင်ဖျော့ဖျော့၊ ခပ်ပွပွ နဲ့ သက်တောင့်သက်သာ ရှိတဲ့ အဝတ်အစားတွေက လည်း ကျပ်ထုပ်နေတဲ့ အဝတ်အစားတွေထက်စာရင် ခြင်အန္တရာယ်ကို ကာကွယ်ပေးပါတယ်။

သန့်သန့်ရှင်းရှင်းနေမယ်။
ခြင်မကိုက်အောင် တစ်ကိုယ်ရည် သန့်ရှင်းမှု နှင့် ပတ်ဝန်းကျင် သန့်ရှင်းမှုကို ဂရုစိုက် သင့်ပါတယ်။ ညစ်ညစ်ပတ်ပတ်နေခြင်းက ခန္ဓာကိုယ်နဲ့ ပတ်ဝန်းကျင် အနံ့အသက် မကောင်းဘဲ ခြင်ကိုက်ဖို့ ဖိတ်ခေါ်နေသလိုမျိုးဖြစ်နေတတ်ပါတယ်။

ခြင်အန္တရာယ်ဟာ ရာသီမရွေးဖြစ်ပွားတယ် ဆိုပေမယ့် မိုးရာသီဟာ ခြင်ပေါက်ဖွားမှုနှုန်း များတဲ့ အတွက် ပိုမိုဂရုစိုက်ဖို့ အတွက် နှိုးဆော်လိုက်ပါတယ်။

ခြင်ကိုက်ဖုတွေကြောင့် ဘေဘီလေးတွေကို အကျဉ်းမတန်စေချင်

ခြင်ကိုက်ဖုတွေကြောင့် ဘေဘီလေးတွေကို အကျဉ်းမတန်စေချင်

ခြင်ကိုက်ဖုတွေကြောင့် ဘေဘီလေးတွေကို အကျဉ်းမတန်စေချင်

အခုလိုနွေရာသီရောက်ပြီဆိုတာ နဲ့ ဖုန်ကထူ ၊ နေကပူ ၊ မီးကပြတ်ဆိုတော့ သားသားလေး အိပ်ရေးဝဝ အိပ်လို့ရအောင် နည်းအမျိုးမျိုးသုံးပြီး ကြံစည်ရတာကလား ။ အိမ်ထဲမှာ အားအားယားယား ရှိနေတဲ့ ရန်သူတော်တွေ ရန်ကလည်း သားသား ကို ကာကွယ်ပေးရသေးရဲ့ ။

ရန်သူတော်ဆိုလို့ တခြားမဟုတ်ပါဘူး ခြင်တွေပါတော်ရေ့ ။ သားသားက ငယ်သေးတော့ ခြင်ဆေးတို့ ဘာတို့ မထွန်းရဲဘူး ၊ကလေးရောဂါ ဖြစ်မှာစိုးလို့ နားစရာ။ မီးပြတ်ပြီဟေ့ဆိုတာနဲ့ မြန်မာ့ရိုးရာ နှီးယပ်တောင်တစ်ချောင်း နဲ့ သားသားကို ပေါင်ပေါ်တင်ပြီး ခပ်ပေတော့ပဲ ။

ဒီလောက်ဂရုစိုက်တောတောင် တစ်ခါတစ်လေ အလစ်ကို ခြင်ဆော်သွားရင် ကျွန်မ သားလေး အရေပြားပေါ်မှာ အဖုတွေပေါ်လာရော။ ခြင်ကိုက်ဖုတွေ နီရဲပြီး အရမ်းယားလွန်းလို့ ငိုနေတဲ့ သားသား မျက်နှာက ကျွန်မ ရင်ကို မီးစနဲ့ထိုးနေသလိုပဲ ။

ခြင်ကိုက်ဖုတွေ ကုတ်တာ ကုတ်တာဆိုတာလည်းကြောက်စရာ။ပြီးရင် အမာရွတ်တွေ က တော်တော်နဲ့ မပျောက်တော့ဘူး။ ထွေးညိုတော့ ညစ်ပြီးရင်းညစ် ခြင်ကိုက်ဖုတွေကြောင့် င့ါသားလေးရုပ်ဆိုးရင်ခက်ရချည့်ပေါ့ ။

တော်သေးတယ် ဒီနောက်ပိုင်း Yin Thway Call Center မှာ Member ဝင်ထားတော့ သားလေးရဲ့ တော်တော်ဆိုးဆိုးဖြစ်နေတဲ့ ခြင်ကိုက်ဖုတွေ အတွက် ဖုန်းဆက်ပြီး အကျိုးအကြောင်းမေးမိလိုက်တယ်။ ကိုယ်တွေ သိခဲ့သလောက်အကြောင်းအရာလေးတွေကို ခေတ်သစ်မေမေ တွေအတွက် ပြန်ပြီး ဖောက်သည်ချမယ်နော့်။

  • တကယ်လို့ ခြင်ကိုက်ခံရတယ်ဆိုတာသိသိခြင်း မှာ ကလေးငယ်ရဲ့ ခြင်ကိုက်ခံထားရတဲ့ နေရာကို သန့်ရှင်းပေးပြီး ရေခဲလေးကပ်ပေးပါနော်။ ရေခဲကပ်ပေးတာက ခြင်ကိုက်ဖုထွက်မလာအောင် နဲ့ ယားယံတာတွေမဖြစ်ဖို့ ကာကွယ်ပေးပါတယ်တဲ့။
  • ခြင်ကိုက်ဖုတွေ ထွက်ပြီး ကလေးယားနေပြီဆိုရင်တော့ ကာလာမိုင်း(calamine lotion ) လေးလိမ်းပေးပါနော် ၊ အရမ်းဆိုးတဲ့အနေအထားဖြစ်ရင်တော့ ဟိုက်ဒြိုကော်တီဆုန်း ( hydrocortisone cream) ကို ဆရာဝန် ညွှန်ကြားချက် နဲ့လိမ်းပေးနိုင်ပါတယ်တဲ့။
  • ခြင်ကိုက်ဖုတွေယားနေပြီဆိုရင် ကလေးက ကုတ်တတ်တဲ့အတွက် ကလေးရဲ့ လက်သည်းလေးတွေကို တိုတို ညှပ်ပေးဖို့ မမေ့ပါနဲ့နော်။ ခြင်ကိုက်ဖုတွေကို ကုတ်လိုက်၊ဖဲ့လိုက်တဲ့အခါ ဘက်တီးရီးယားတွေ ပေါက်ဖွားပြီးပိုးဝင်တာတွေဖြစ်နိုင်ပါတယ်တဲ့။

တကယ်လို့ ကလေးက သိတတ်၊စကားပြောတတ်တဲ့ အရွယ်ရောက်ပြီဆိုရင်တော့ ခြင်ကိုက်ဖုတွေကို မကုတ်ဖို့ သေချာနားလည်အောင်ပြောပေးပါ။

ခြင်ကိုက်ဖုတွေကို ကုသရုံနဲ့ မပြီးသေးဘူးနော်။ခြင်ကိုက်ခံရပြီးနောက်ပိုင်းမှာ ကလေး ရဲ့ အခြေအနေတွေကိုလည်း အမြဲစောင့်ကြည့်နေပါနော်။

ကလေးက အော့အန်တာ၊ မူးဝေတဲ့ လက္ခဏာ တွေပြတာ ၊ ဖျားတာ တွေဖြစ်လာတာနဲ့ ဆေးရုံဆေးခန်းတွေကို ချက်ချင်းသွားပြပါနော်။သွေးလွန်တုတ်ကွေး ၊ ငှက်ဖျားနဲ့ ရာသီတုတ်ကွေး စတာတွေဟာ ခြင်ကိုက်တာတွေကနေ ကူးစက်တာဆိုတာကို အမြဲသတိရပါတဲ့။

en_USEN
my_MMMY en_USEN