နှာခေါင်းအတွင်းရှိ ပဲစေ့ထည့်ခြင်း

နှာခေါင်းအတွင်းရှိ ပဲစေ့ထည့်ခြင်း

နှာခေါင်းအတွင်းရှိ ပဲစေ့ထည့်ခြင်း

ရေးသားသူ – ဒေါက်တာ ဆုဝေမွန်

ဒီပြသနာသည် ကလေးများတွင်တွေ့ရအများဆုံးဖြစ်သည်။ တခါတွေ့ဖူးသည်ဆိုလျှင် နှာခေါင်းအတွင်းသို့ ပဲစေ့ထည့်သည် မာလကာစေ့ထည့်သည် မာလကာသီးအဖတ်ထည့်သည် ဇီးစေ့ထည့်သည် အကြွေစေ့ထည့်သည် Cvit အလုံးလေးများ ပါးစပ်ထဲမထည့်ပဲ နှာခေါင်းထည့်ထည့်သည်။

ထို့သို့ foreign body ဟုခေါ်သော ပြင်ပမှ အရာတခု နှာခေါင်းထဲသို့ထည့်မိပါက ကလေးအား ပက်လက်အနေအထားလုံးဝမထားရ ၊ ခေါင်းမော့ပြီးနောက်လှန်ခြင်း အိမ်တွင် မိမိဘာသာ မိမိထုတ်ရန် ကြိုးစားခြင်းလုံးဝမပြုလုပ်ရ။

ကလေးအား ထိုင်လျက် အနေအထားဖြင့်သာ ဆေးရုံသို့ခေါ်ဆောင်လာရမည်။ ထို့အပြင်ကလေးတွင် ချောင်းအဆက်မပြတ်ဆိုးနေခြင်း ၊ သတိလစ်မေ့မျောသွားခြင်း ၊ ကလေးပြာနှမ်းလာခြင်း ၊ အသက်ရှုကြပ်လာခြင်းအစရှိသည့် လက္ခဏာများဖြစ်ပွားပါက အသက်ရှုလမ်းကြောင်းပိတ်နေသည်ဟု ယေဘုယျပြောနိုင်ပြီး တတ်နိုင်သလောက် မြန်မြန် ဆေးရုံသို့လာရမည်။

ဤကဲ့သို့ ကလေးများ မတော်တဆ ထည့်မိပြုမိခြင်းဖြင့် အသက်ဆုံးရှုံးသွားသော အသက်မမှီသော ကလေးများစွာလည်းရှိသည်။ ကလေးမိဘများအနေနှင့်လည်း ကလေးများအား နှာခေါင်းထဲသို့ ပစ္စည်းများလွယ်လင့်တကူမထည့်နိုင်စေရန် ဆေးလုံးများ နှာခေါင်းထဲသို့လွယ်လွယ်ကူထည့်လို့ရသော ပစ္စည်းများအား ကလေးများလက်လှမ်းမမှီသော နေရာတွင် ထားပေးရမည် သိမ်းဆည်းထားရမည်။

ထို့ပြင် ဆီးသီးမာလကာသီးတို့ကျွေးလျှင် တတ်နိုင်သလောက် အစေ့အဆံများဖယ်ထုတ်ပြီးမှကျွေးခြင်း ကလေးများကစားနေလျှင်ဖြစ်စေ အစာစားနေလျှင်ဖြစ်စေ တတ်နိုင်သလောက် လူကြီးတဦးမှ စောင့်ကြည့်ပေးခြင်းဖြင့် ဤမတော်တဆမှုများကို ရာခိုင်နှုန်းအတော်များများလျှော့ချနိုင်သည်။

ဤမတော်တဆဖြစ်သော ကလေးများ ဆေးရုံသို့ရောက်လာပါက သက်ဆိုင်ရာ ဆရာဝန်များမှ စမ်းသပ်ကာပိတ်ဆို့မှုသည် နှာခေါင်း၏ အပြင်ဖက်နားလောက်တွင်ဖြစ်ပြီး မြင်နေရလျှင် နှာခေါင်းထဲသို့ ထည့်၍ကလော်ထုတ်လို့ရသော ကိရိယာ ဖြင့် ကလော်ကာ ထုတ်ကြပါသည်။

သို့သော် နှာခေါင်းအတွင်းပိုင်သို့ရောက်နေလျှင်ဖြစ်စေ ပြင်ပမှု ပစ္စည်းတခု ဝင်သွားသည်ကို အတိအကျသိပြီး အပြင်ဖက်နားမှကြည့်သောအခါ မမြင်ရလျှင်ဖြစ်စေ ကလေးကို ဆေးရုံတင်တာ bronchoscopy ဟုခေါ်သော လေပြွန်ကြည့်ကိရိယာဖြင့် ခွဲခန်းထဲတွင်မေ့ဆေးပေးကာ အတွင်းပိုင်းအထိကြည့်ပြီး ထုတ်ခြင်းများပြုလုပ်ကြသည်။

ဤတွင် သတိထားစေချင်သည်မှာ တချို့ကလေးများတွင် ငိုရင်း ရှိုက်ရင်းဖြင့် နှာခေါင်းအပြင်ဖက် နားမှ အစေ့အဆံလေးများသည် နှာခေါင်းအတွင်းပိုင်းသို့ ပိုတိုးဝင်သွားတတ်သည်။ထို့ကြောင့် ကလေးငယ်များ တတ်နိုင်သမျှ မငိုစေရန်အရေးကြီးသောကြောင့် မိဘများအနေဖြင့် မိမိဘာသာ ထုတ်ဖို့ကြိုးစားခြင်း ကလေးအား အော်ဟစ်ဆူမာန်မဲခြင်းများ မပြုလုပ်သင့်ပါ။

အစေ့အဆံဝင်သွားခြင်းအား မသိ၍ဖြစ်စေ သိလျက်နှင့် မထုတ်ယူမိပါက အသက်ရှုလမ်းကြောင်းအတွင်းတွင် ပြည်တည်နာဖြစ်လာခြင်း ၊ နှာပုတ်ရည်များကျလာခြင်း ၊ အနံ့များနံခြင်းဖြစ်လာနိုင်ရုံသာမက အသက်ရှုလမ်းကြောင်းပိတ်ခြင်း ၊ အသက်ရှုကြပ်ခြင်း လေပြွန်မှတဆင့် အဆုတ်ပြွန်အထိသို့ အစေ့အဆံရောက်သွားကာ အဆုတ်ခဲခြင်း ပိုးဝင်ခြင်း အစရှိသည်တို့ ဖြစ်လာနိုင်ပါသည်။ ထိုမျှသာမက သတိမေ့ပြာနှမ်းကာ အသက်ဆုံးရှုံးသည်အထိ ဖြစ်နိုင်သောကြောင့် လုံးဝမပေါ့ဆပဲ သတိထားဆင်ခြင်သင့်ပါသည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
Nasal Polyps ခေါ် အသက်ရှူလမ်းကြောင်းတွင်းအသားပိုလေးများအကြောင်း

Nasal Polyps ခေါ် အသက်ရှူလမ်းကြောင်းတွင်းအသားပိုလေးများအကြောင်း

Nasal polyps ခေါ် အသက်ရှူလမ်းကြောင်းတွင်းအသားပိုလေးများအကြောင်း

ရေးသားသူ – ဒေါက်တာ ဆုဝေမွန်

တချို့သောသူများတွင် နှာခေါင်းအတွင်း၌ မွေးရာပါ အသားပိုလေးများသည် စပျစ်ခိုင်များကဲ့သို့ သို့မဟုတ် တလုံးချင်းအနေအထားဖြင့် ပါရှိတတ်သည်။ အထူးသဖြင့် လူငယ်များနှင့် သက်လတ်ပိုင်းများတွင် ပို၍အဖြစ်များသည်။ ထိုအသားပိုလေးများသည် ပန်းနာရင်ကျပ်ရောဂါ၊ ပိုးဝင်ခြင်း၊ ခုခံအားကျခြင်း အစရှိသည်တို့ကြောင့် မကြာခဏပိုးဝင်ကာ ယောင်ရမ်းခြင်းကို ဖြစ်စေနိုင်သည်။

ထို့ပြင် ထိုအသားပိုလေးများနှင့်တွဲနိုင်သော အခြေအနေများမှာ

  • Aspirin ဟုခေါ်သော အကိုက်အခဲပျောက်ဆေးအား ဓာတ်မတည့်ခြင်း
  • Cystic fibrosis ဟုခေါ်သော မျိုးရိုးဗီဇ ချွတ်ယွင်းမှုရောဂါကြောင့် နှာရည်ပျစ်ပျစ်များသော ထွက်ခြင်း
  • Vitamin D ဓာတ်ချို့ယွင်းခြင်း

အစရှိသည်တို့ဖြစ်ကြသည်။

နှာခေါင်းအတွင်းအသက်ရှုလမ်းကြောင်းအတွင်းရှိ အသားပိုတိုင်းသည် ရောဂါလက္ခဏာပြမည်မဟုတ်ပါ။ အသားပိုသေးသေးလေးများသည် ရောဂါလက္ခဏာလုံးဝမပြပဲ အရွယ်အစားအတော်အသင့်ကြီးမားသောအသားပိုများကသာ နှာခေါင်းပိတ်ခြင်း အသက်ရှုမရခြင်း အနံ့ပျောက်ခြင်းများအပြင် မကြာခဏပိုးဝင်ခြင်း တို့ဖြစ်နိုင်သည်။

ထိုအသားပိုလေးများကို များသောအားဖြင့် နှာခေါင်းတွင်းထည့်ဆေး သောက်ဆေးများဖြင့် အရွယ်အစားကျုံ့သွားအောင်ပြုလုပ်နိုင်သည်။ ရံဖန်ရံခါမှ သာ အသားပို၏အရွယ်အစားကြောင့် ဖယ်ထုတ်ခွဲထုတ်ရန်လိုအပ်သည်။ သို့သော် ထိုသို့ ဖယ်ထုတ်ခွဲထုတ်သော်လည်း အသားပိုများပြန်ဖြစ်လာနိုင်သည်ကိုလည်း သတိထားရမည်။

နှာခေါင်းတွင်းရှိအသားပိုလေးများသည် ကာလကြာရှည် ထိပ်ကပ်နာခံစားနေရခြင်းနှင့်တွဲနိုင်သည်။ ထို့ပြင်

  • မကြာခဏနှာရည်ယိုခြင်း
  • အနံ့အာရုံ ချို့ယွင်းလာခြင်း
  • အရသာခံစားနိုင်စွမ်းချို့ယွင်းလာခြင်း
  • ခေါင်းမကြာခဏကိုက်ခြင်း
  • အပေါ်သွားဖုံးနာကျင်ခြင်း
  • ခေါင်းနှင့်နဖူးတွင် လေးလေးကြီးဖြစ်သလိုခံစားရခြင်း
  • မကြာခဏနှာခေါင်းသွေးလျှံခြင်း

အစရှိသည်တို့ပါဝင်သည်။ ထိုအထက်ဖော်ပြပါလက္ခဏာများကို ဆယ်ရက်နှင့်အထက်ခံစားနေရလျှင် နီးစပ်ရာ ဆရာဝန်သို့ ပြသသင့်သည်။

ထိုနှာခေါင်းအတွင်းမှ အသားပိုလေးများကို သေချာစွာ မကုသပါက

  • အသက်ရှုလမ်းကြောင်းကို ပိတ်ထားသဖြင့် နှာရည်များ မစီးနိုင်ခြင်း
  • အိပ်သောအခါတွင်လည်း အသားပိုလေးများပိုးဝင်ကာရောင်ယမ်းမှုကြောင့် အသက်ရှုကျပ်ခြင်းကာလကြာရှည် ထိပ်ကပ်နာရောဂါကြောင့် ပန်းနာရင်ကျပ်ရောဂါ ပိုဆိုးလာခြင်း

အစရှိသော နောက်ဆက်တွဲ ဆိုးကျိုးများဖြစ်ပေါ်လာနိုင်သည်။

ထိုအသားပိုလေးများ ပြန်မဖြစ်အောင် သို့မဟုတ် ပိုမကြီးလာစေရန်လုပ်ဆောင်သင့်သောနည်းလမ်းများလည်းရှိသည်။ ပန်းနာရင်ကျပ်နှင့် ဓာတ်မတည့်မှုများရှိပါက သက်ဆိုင်ရင် ဆရာဝန်ဖြင့်ပြသပြီး ဆေးအကူအညီဖြင့် ထိုရောဂါများအား သေချာစွာ ကုသရန် ၊ မီးခိုးငွေ့ ဆေးလိပ်ငွေ့များရှုရှိုက်ခြင်း၊ ဓာတုငွေ့များရှုမိခြင်းအားအတတ်နိုင်ဆုံးဆင်ခြင်ခြင်း ၊ ဖုန်မှုန့်များကို မရှုမိအောင် သတိထားရမည်။

လက်အားမကြာခဏဆေးခြင်းအားဖြင့် လက်မှတဆင့် ဘတ်တီးရီးယားပိုးများ ဗိုင်းရပ်စ်ပိုးများကြောင့် ထိပ်ကပ်နာဖြစ်ခြင်း ပိုးဝင်၍အသားပိုလေးများပိုကြီးလာခြင်းကို အထိရောက်ဆုံးကာကွယ်နိုင်သည်။

ထို့ပြင် အိမ်တွင်း လေစိုထိုင်းစထိန်းသော ပစ္စည်း humidifier များအသုံးပြု ခြင်းဖြင့် အိမ်တွင်းလေကို မခြောက်သွေ့အောင် ဂရုစိုက်ပေးနိုင်သည်။

ဆားရည် saltwater spray များဖြင့် နှာခေါင်းဆေးခြင်းများပြုလုပ်ကာ နှာခေါင်းထဲမှ အညစ်အကြေးများကုန်စင်သွားအောင်သန့်စင်ပေးနိုင်သည်။

နှာခေါင်းအတွင်းပိုင်းအသားပိုလေးများကို ဆရာဝန်များက စမ်းသပ်စစ်ဆေးသောအခါ ရံဖန်ရံခါတွင် အတွင်းအရမ်းကျသော အသားပိုလေးများကို nasal endoscopy ခေါ် နှာခေါင်းအတွင်းသို့ကြည့်သောကိရိယာကို အသုံးပြု၍အသားပိုလေးများကို ရှာဖွေရသည်။

ထို့ပြင် အတွင်းနက်နက်တွင်ရှိသော အသားပိုများ၏ ပမာဏအရွယ်အစား မည်သည့်နေရာတွင် တည်ရှိသည် ကိုအသေးစိတ်သိလိုပါက ကွန်ပြူတာဓာတ်မှန်ဟုခေါ်သော CT ဓာတ်မှန်ကို အသုံးပြု သောက်ဆေး နှာခေါင်းအတွင်းထည့်ဆေးဖြင့်သက်သာနိုင်မည်။ သို့မဟုတ် ခွဲစိတ်ဖြတ်ထုတ်ရန်လိုအပ်သည် အစရှိသည်တို့ကိုဆုံးဖြတ်ကြသည်။

များသောအားဖြင့် နှာခေါင်းအတွင်းရှိအသားပိုလေးများကို steroid ပါသော နှာခေါင်းအတွင်းထည့်ဆေးများကို အသုံးပြုကုသမှုသည် အများဆုံးဖြစ်သည်။ ထိုသို့ နှာခေါင်းအတွင်းထည့်ဆေးကုသမှုဖြင့် မလုံလောက်ပါက steroid ပါသော သောက်ဆေးထိုးဆေးများဖြင့် သီးသန့်သော်လည်းကောင်း နှာခေါင်းဆေးနှင့်တွဲဖက်၍သော်လည်းကောင်းအသုံးပြုကြသည်။

ယခုနောက်ပိုင်းတွင် dupilumab ဆိုသော ဆေးကိုပါအသုံးပြုလာကြပြီဖြစ်သည်။ သို့သော် ထိုသို့အသုံးပြုသော်လည်း အသားပိုများသည် မကျုံ့သွားလျှင် သို့မဟုတ် ပိုကြီးလာလျှင် ခွဲစိတ်ဖြတ်ထုတ်သောနည်းလမ်းအား နားနှာခေါင်းလည်ချောင်းဆရာဝန်များမှ အသုံးပြုကြသည်။

Name ဒေါက်တာ ဆုဝေမွန်
Degrees M.B.,B.S (ygn)
Biography 1years experience in yangon children hospital 2yr and 6 months experience in teleconsultation ( yin thway call center)
Topic Paediatric surgery Paediatric medicine Child psychiatry
Address Yangon
en_USEN
my_MMMY en_USEN