(+95)979 811 5566 info@myancare.org
တုပ်ကွေးနဲ့ ကလေး၊ လက်ဦးမှုယူ ကာကွယ်ပေး

တုပ်ကွေးနဲ့ ကလေး၊ လက်ဦးမှုယူ ကာကွယ်ပေး

တုပ်ကွေးနဲ့ ကလေး၊ လက်ဦးမှုယူ ကာကွယ်ပေး

မိုးလယ် ကာလများဟာ အများအားဖြင့် မိုးကြီး ရေကြီး၊ ရေလျှံမှုတွေ ဖြစ်လေ့ရှိပါတယ်။
ရာသီပေါ်တုပ်ကွေးဟာလဲ အဖြစ်များတာမို့ ဆေးရုံ၊ ဆေးခန်းတွေ မှာ ကာကွယ်ဆေး တွေ ကုန်လောက်အောင်ထိ ဖြစ်တတ်ပါတယ်။

ခုရာသီမှာ ကလေးတွေမှာ အဖြစ်အများဆုံးရောဂါက သွေးလွန်တုပ်ကွေးနဲ့ အတူ ဝမ်းပျက် ဝမ်းလျှောရောဂါများလဲ ဖြစ်တတ်ကြပါတယ်။

ခုခါမှာတော့ မေမေတို့ကို အခုလတ်တလော အဖြစ်များတဲ့ ဆင်တုပ်ကွေးအကြောင်းလေးနည်းနည်းရှင်းပြပေးမယ်နော်။

ဆင်တုပ်ကွေးက ခြင်ကနေ ကူးစက်တဲ့ ရောဂါ တစ်မျိူးဖြစ်လို့ သွေးလွန်တုပ်ကွေး နဲ့ ရောဂါ လက္ခဏာ အတော် ကို ဆင်တူလှပြီးတော့ ကလေးငယ်လေးတွေ နဲ့လူကြီးတွေ မှာ အများဆုံး ကူးစက်ခံရတတ်ပါတယ်။

ကလေးငယ် လေးတွေက တော့ ရောဂါ ခံစားနေရနေတာကို မေမေ ဖေဖေ တွေကို ဘယ်ပြောပြနိုင်မလဲပေါ့ နော်။ အဲ့တော့ ဆင်တုပ်ကွေး ရောဂါနဲ့ ပတ်သတ်ပြီး သိထားသင့်တာလေးတွေ ဒီကနေ ပြောပြပေးမယ်နော်။

ဆင်တုပ်ကွေးက ခြင်က ကူးစက်တဲ့ ရောဂါဆိုတော့ သွေးလွန်တုပ်ကွေး လိုဘဲ အဖျားကြီးမယ်၊ ချမ်းတုန်တာ မျိုးတွေရှိမယ်။

ထပ်ပြီး ပြနိုင်တဲ့ လက္ခဏာတွေက ကလေးတွေ ရဲ့ အရေပြားမှာ အနီစက်လေးတွေ ပေါ်လာမယ်။ ပြီး ရင် အရိုးအဆစ်တွေ နာနိုင်ချေရှိလို့ ကလေးတွေကို ချီလိုက်ရင် အကျယ်ကြီးအော်ငို တာမျိုးတွေ ကြုံရနိုင်တယ်။

ဆင်တုပ်ကွေးကို ကာကွယ်လို့ရတဲ့ ကာကွယ်ဆေး မရှိသေးတော့ ကလေးတွေကို ခြင်ကိုက်မခံရအောင် ထားဖို့က အရေးကြီးတယ်နော်။ ခုချိန်က မိုးရာသီ လည်းဖြစ်တော့ ခြင်တွေ အလွယ်တကူ ပေါက်နိုင်တဲ့ ချုံတွေ၊ ရေဆိုးတွေကို ရှင်းထားဖို့လိုပါတယ်။

သားသားမီးမီးတို့ ဝမ်းပျက်ဝမ်းလျှောရောဂါ မဖြစ်စေဖို့ ဘယ်လိုကာကွယ်မလဲ?

သားသားမီးမီးတို့ ဝမ်းပျက်ဝမ်းလျှောရောဂါ မဖြစ်စေဖို့ ဘယ်လိုကာကွယ်မလဲ?

သားသားမီးမီးတို့ ဝမ်းပျက်ဝမ်းလျှောရောဂါ မဖြစ်စေဖို့ ဘယ်လိုကာကွယ်မလဲ?

ကလေးတွေမှာ ဝမ်းပျက်ဝမ်းလျှောရောဂါ မဖြစ်စေဖို့ ဘယ်လို ကာကွယ်ရမလဲ နဲ့ ဘယ်လိုကာကွယ်ဆေးတွေရှိလဲ ပြောပြပါမယ်နော်။

  • ကလေးကို မိခင်နို့ စနစ်တကျ တိုက်ကျွေးခြင်းက ဝမ်းပျက်ဝမ်းလျှောရောဂါကို ကာကွယ်ပေးနိုင်ပါတယ်။ ကလေး အသက် ၆ လအထိ မိခင်နို့ တစ်မျိုးတည်းပဲ တ်ိုက်သင့်ပါတယ်။
  • ရေကိုတော့ သန့်စင်တဲ့ ရေသန့် သို့မဟုတ် ကျိုချက်ပြီးသားရေကိုသာ တိုက်ပါ။
  • ကလေးကို ကျွေးမယ့် အစားအစာတွေကို သန့်ရှင်းလတ်ဆတ်နေစေဖို့ ဂရုစိုက်ပြီး ကျွေးပါ။ အမှည့်လွန်နေတဲ့ အသီးတွေ၊ ယင်နားနိုင်တဲ့ အစားအစာတွေကို ရှောင်သင့်ပါတယ်။
  • အစားအသောက်တွေ ပြင်ဆင်တဲ့အခါမှာလည်း စနစ်တကျ သန့်ရှင်းစွာပြင်ဆင်ဖို့ လိုပါတယ်။ ပြင်ဆင်တဲ့သူရဲ့ တစ်ကိုယ်ရည် သန့်ရှင်းမှုကလည်း အရမ်း အရေးကြီးပါတယ်။
  • နို့ဘူးတိုက်တဲ့ကလေးတွေ အတွက်ဆိုရင်တော့ နို့ဘူးဖျော်တာ၊ ပြင်ဆင်တာတွေမှာ သန့်ရှင်းရပါမယ်။ နို့ဘူးကို ဆေးကြောခြင်း၊ ပြုတ်ခြင်းတွေ ပုံမှန် ပြုလုပ်ပေးဖို့လည်း မမေ့ပါနဲ့နော်။
  • လက်ဆေးရပါမယ်။ အစာမစားမီ နဲ့ အိမ်သာဆင်းတိုင်း လက်ကိုဆပ်ပြာနဲ့ စင်ကြယ်အောင်ဆေးပေးပါ။
  • လက်ဆေးတတ်တဲ့ အလေ့အကျင့်လေးကို သားသားမီးမီးတို့ကို သင်ပေးထားပါ။

ဝမ်းပျက်ဝမ်းလျှောရောဂါ အတွက် ကာကွယ်ဆေး ရှိလား??

Rota virus ကြောင့်ဖြစ်တဲ့ ဝမ်းပျက်ဝမ်းလျှောရောဂါ အတွက် ကာကွယ်ဆေး ရှိပါတယ်။

  • ဒီ virus ပိုးက သားသားမီးမီးတို့မှာ အဖြစ်များပါတယ်။ ဖြစ်ရင်လည်း ပြင်းထန်တတ်လို့ ရောဂါကာကွယ်ဆေးကို ကလေး ၁ လခွဲ အရွယ်ကစပြီး ဆရာဝန်ညွှန်ကြားချက်အတိုင်း တိုက်ထားနိုင်ပါတယ်။

အခုစာကို ဖတ်နေတဲ့ ဖေဖေမေမေရော သားသားမီးမီးအတွက် ဒီရောဂါကာကွယ်တဲ့ နည်းလမ်းလေးတွေကို လိုက်နာနေရဲ့လား??

en_USEN
my_MMMY en_USEN