(+95)979 811 5566 info@myancare.org
သန္ဓေတားခြင်းဆိုတာ ဘာလဲ

သန္ဓေတားခြင်းဆိုတာ ဘာလဲ

သန္ဓေတားခြင်းဆိုတာ ဘာလဲ❔
သန္ဓေတားတယ်ဆိုတာကို လွယ်လွယ် အရပ်စကားနဲ့ပြောရင်တော့ ကိုယ်ဝန်မရအောင် တားဆီးတဲ့ သဘောပါပဲ။ ဒီလို ကလေးမရအောင် ကာကွယ်ကြရာမှာ အရေးအကြီးဆုံးတစ်ချက်ရှိပါတယ်။ ဒါကတော့ စုံတွဲ၂ယောက်လုံး ပါဝင်ပတ်သက် ဆုံးဖြတ်ဖို့ပါပဲ။

အများအားဖြင့် သန္ဓေတားတဲ့ကိစ္စကို အမျိုးသားတွေက သူတို့နဲ့မဆိုင်သလို နေတတ်ကြပါတယ်။ တားဖို့အတွက် ခွင့်ပြုပေးရုံလောက်နဲ့တော့ လင်ယောကျာ်းတာဝန် မကျေသေးပါဘူး။ ဒီတော့ အသေးစိတ်ပါဝင်ဆွေးနွေးဖို့ အားပေးချင်ပါတယ်။

သန္ဓေတားရာမှာ နည်းနှစ်နည်းရှိပါတယ်။ ယာယီတားဆီးခြင်းနဲ့၊ အမြဲထာဝရ ကလေးမရအောင် တားဆီးခြင်းပါ။ ထာဝရတားတဲ့နည်းကတော့ ရှင်းပါတယ်။ သားကြောဖြတ်ခြင်းပါ။ သားကြောဖြတ်တယ်ဆိုတာကတော့ အမျိုးသမီးတွေရဲ့ သားအိမ်နဲ့ သားဥအိမ်ကြား သားဥလေးကို ပို့ဆောင်ပေးသူ သားဥပြွန်လေးကို ချည်နှောင် ဖြတ်တောက်ပစ်တာပါပဲ။

ယာယီတားတဲ့နည်းတွေကတော့ ကွန်ဒုံးသုံးခြင်း၊ သောက်ဆေး၊ ထိုးဆေး၊ လက်မောင်းအတွင်း ပစ္စည်းထည့်ခြင်း၊ သားအိမ်အတွင်း ပစ္စည်းထည့်ခြင်းတို့ဖြစ်ပါတယ်။ အခုပြောခဲ့တဲ့ နည်းလမ်းတွေထဲမှာတော့ ကွန်ဒုံးသုံးခြင်းနဲ့ သားအိမ်အတွင်း ပစ္စည်းထည့်ချင်းတွေဟာ သုံးစွဲသူကို ဟော်မုန်းအပြောင်းအလဲဒဏ် မခံရစေပါဘူး။ ဘာလို့ဆို ဘာဟော်မုန်းမှ မပါဝင်လို့ပါပဲ။

ဒီတော့ သောက်ဆေး၊ ထိုးဆေး၊ လက်မောင်းထဲ ပစ္စည်းထည့်ခြင်းတွေက ဟော်မုန်းပါတာမို့ ဟော်မုန်းဒဏ် ခံရနိုင်ပါတယ်။ ဒီတော့ အနည်းငယ် ကိုယ်အလေးချိန်တတ်တာ၊ အသားညစ်တာ၊ ရာသီထိန်တာ၊ ရာသီသွေး မမှန်တာတွေဟာ ပရိုဂျက်တီရုန်းဟော်မုန်းပါတဲ့ သောက်ဆေး၊ ထိုးဆေး၊ လက်မောင်းထဲထည့်တဲ့ ပစ္စည်းတွေမှာ ခံစားရတတ်ပါတယ်။ ဒါပေမယ့် အီစတိုဂျင်ဟော်မုန်းပါတဲ့ သောက်ဆေးမှာတော့ ခံစားရမှာ မဟုတ်ပါဘူး။

သို့သော် သောက်ဆေးတွေက နေ့တိုင်း မှတ်မှတ်ရရ အချိန်မှန်သောက်ရမှာပါ။ မဟုတ်ရင် အပြည့်အဝ သန္ဓေတားပေးမှာ မဟုတ်တာကြောင့် မလိုချင်ဘဲ ကိုယ်ဝန်ရတတ်ပါတယ်။ ထိုးဆေးကတော့ သုံးလတစ်ခါရက်ချိနိးမှန်မှန်ထိုးရမှာပါ။ အခုခေတ်က လက်ကိုင်ဖုန်းတွေလည်း လူတိုင်းရှိနေကြတော့ ဖုန်းထဲမှာ reninderလေးနဲ့ မှတ်ထားရင် မမေ့တော့ပါဘူး။

သောက်ဆေး၊ ထိုးဆေးဟာ အချိန်မှန်မှန် သုံးစွဲနေသမျှ သန္ဓေတားပေးမှာဖြစ်သော်လည်း လက်မောင်းထဲထည့်သောပစ္စည်းနဲ့ သားအိမ်ထဲထည့်တဲ့ ပစ္စည်းတွေကတော့ ၃နှစ်မှ ၅နှစ်အထိ သန္ဓေတားစီးပေးမှာဖြစ်ပါတယ်။ ဒီတော့ သေချာစဉ်းစားဖို့လိုပါတယ်။

သန္ဓေတားခြင်းဟာ မိသားစုတည်ဆောက်ရာမှာ အရေးကြီးတဲ့အရာတစ်ခု ဖြစ်တာမို့ အချိန်ပေးပြီး နီးစပ်ရာဆရာဝန်နဲ့ တိုင်ပင်သင့်ပါတယ်။ ဆိုးကျိုး၊ ကောင်းကျိုးတွေကို သေချာကြည့်ပြီးမှ ကိုယ်နဲ့အသင့်တော်ဆုံးတစ်ခုကို ရွေးချယ်ရမှာ ဖြစ်တာမို့ သေချာအာရုံစိုက်ဖို့ လိုအပ်ပါတယ်။

မိသားစုဘဝ လှပဖို့ သန္ဓေတားခြင်း ဆွေးနွေးစို့။

ကျန်းမာရေးနဲ့ပတ်သက်လာရင် MyanCare ကသင်နဲ့အတူရှိနေပေးမယ်ဆိုတာအမြဲသတိရလိုက်ပါ။

လူငယ်တွေ မဖြစ်မနေ သိရှိထားရမယ့် အရေးပေါ် သန္ဓေတားဆေး ရဲ့ ဆိုးကျိုးများ

လူငယ်တွေ မဖြစ်မနေ သိရှိထားရမယ့် အရေးပေါ် သန္ဓေတားဆေး ရဲ့ ဆိုးကျိုးများ

လူငယ်တွေ မဖြစ်မနေ သိရှိထားရမယ့် အရေးပေါ် သန္ဓေတားဆေး ရဲ့ ဆိုးကျိုးများ

ဈေးကွက်ထဲမှာ ဝင်ရောက်လာတဲ့ အရေးပေါ်သန္ဓေတားဆေးတွေဟာ လွယ်လင့်တကူဝယ်လို့ရလာသလို၊ ဒီဆေး တွေအကြောင်းကို သေသေချာချာနားမလည်ဘဲ သမီးရည်းစားချင်း နှစ်ကိုယ်ကြားတွေ့ပြီဆိုတာ နဲ့ ဒီဆေးတွေကိုတိုက်လိုက်ရင် ကိစ္စပြီးပြီလို့ ထင်တတ်ကြပါတယ်။

ဒီလိုတွေးပြီးပြုမူတာဟာ ရေရှည်မှာ ကိုယ်ချစ်ရသူ မိန်းကလေး ကို ကျန်းမာရေးဆိုင်ရာထိခိုက်မှုတွေ ကိုဖြစ်ပေါ်စေနိုင်တယ်နော်။ မိန်းကလေးတွေ အနေနဲ့လည်း၊ ချစ်ရသူရဲ့ ဆန္ဒကိုလိုက်လျောထားပေမယ့် အခုလို အကြိမ်တိုင်းမှာ အရေးပေါ်ဆေးတွေကို ခဏခဏတိုက်တာကြုံနေရပြီ ဆိုရင် ပြတ်ပြတ်သားသား ကိုင်တွယ်ဖို့ ဝန်မလေးစေချင်ပါဘူးရှင်။

အရေးပေါ် တားဆေး ( emergency contraceptive pills ) တွေဟာ မမျှော်လင့်တဲ့ လိင်ဆက်ဆံခြင်းတွေ၊ အဓမ္မပြုကျင့်ခံရတဲ့ အခါ မလိုလားအပ်တဲ့ကိုယ်ဝန်မရအောင် ကာကွယ်တဲ့ နေရာတွေမှာ အသုံးပြုရတာပါ။

အရေးပေါ်အခြေအနေ မှာ သုံးရတာဖြစ်တဲ့ အတွက် နေ့စဉ်သောက်ရတဲ့ တားဆေးကဒ်တွေလို အသုံးမပြုသင့်ပါဘူး နော်။
အရေးပေါ်သန္ဓေတားဆေးတွေ ကို မကြာခဏ အသုံးပြုနေတဲ့အမျိုးသမီးတွေဟာ
ရင်သားတွေကိုက်ခဲတာ
မူးဝေအော့အန်တာ
ခေါင်းကိုက်တာတွေကို ဘေးထွက်ဆိုးကျိုးအနေ နဲ့ ခံစားရတတ်ပါတယ်နော်။
ရေရှည်သောက်သုံးနေမယ်ဆို ကလေးမရနိုင်တော့ဘဲ မြုံသွားတဲ့အထိ ဆိုးကျိုးတွေ ကိုလည်း ရင်ဆိုင်ရနိုင်ပါတယ်။

ဒါ့အပြင် ဆေးသောက်ပြီးတဲ့နောက်ပိုင်းမှာ
– ရာသီလာတဲ့အခါ သွေးအရောင်ပြောင်းသွားတာ(သို့)အနံ့ဆိုးတွေထွက်လာတာ
– ရုတ်တရက် အကြောင်းအရင်းမရှိ အဖျားဝင်တာ
– ဝမ်းဗိုက် နဲ့ တင်ပါးဆုံ နေရာတွေက အောင့်လာတာ
– လိင်ဆက်ဆံစဉ် နာကျင်တာ
– မိန်းမကိုယ် က သွေးတွေ မရပ်ဘဲ ဆင်းနေတာ ဖြစ်နေခဲ့ရင်တော့ဆရာဝန်တယောက်နဲ့ ဆွေးနွေးဖို့ တိုက်တွန်းပါရစေရှင်။

ကလေးငယ်လေးများကို ဘယ်အချိန်မှာ လိင်အသိပညာပေးကြမလဲ ( အပိုင်း-၂ )

ကလေးငယ်လေးများကို ဘယ်အချိန်မှာ လိင်အသိပညာပေးကြမလဲ ( အပိုင်း-၂ )

ကလေးငယ်လေးများကို ဘယ်အချိန်မှာ လိင်အသိပညာပေးကြမလဲ ( အပိုင်း-၂ )

ကျောင်းနေအရွယ် ၅ နှစ်ကနေ ၈ နှစ်

ကျောင်းနေ အရွယ် ကလေးငယ် လေးတွေက တော်တော်လေးကို လည်တဲ့ အရွယ် တွေ ရောက်နေပါပြီနော်။ ဖေဖေ မေမေ တို့ အနေနဲ့ ဆူရခက် သင်ပေးရ ခက်တဲ့ အရွယ်လေးတွေပေါ့။ အတန်းဖော်သူငယ်ချင်း ကောင်လေးတွေ ကောင်မလေးတွေ နဲ့ တရင်း တနှီး နေတဲ့ အချိန်လေးတွေလည်း ဖြစ်လို့ သားလေး တွေကိုဆို သူငယ်ချင်းကောင်မလေးတွေကို အရှက်ရအောင် လိုက်မစတတ်ဖို့ ကြိုမှာထားဖို့ လိုပါတယ်နော်။

သူတို့လေးတွေ နဲ့ ထိတွေ့နေမယ့် ရုပ်ရှင်တို့ ဖုန်းတို့ အင်တာနက်တို့မှာ အသက်အရွယ်နဲ့မလိုက်တာတွေ မပါအောင် ဖေဖေ မေမေ တို့ က ဂရုစိုက်ရမှာပါ။ ၁၀ နှစ် နောက်ပြီး လူပျို အပျိုဖော်ဝင်ရင် ဖြစ်လာနိုင်တဲ့ ခန္ဓာကိုယ်ပြောင်းလဲမှာတွေကို ကြိုပြီး ရှင်းပြ ၊ အသိပေးထားပါ။

လိင် အသိပညာပေးအပြင် မျိုးဆက်ပွားအသိပညာပေးလေးကာတွန်းလေးတွေ ပုံပြင်လေးတွေပါ နည်းနည်း မိတ်ဆက်ထားပါ။

en_USEN
my_MMMY en_USEN